منتديات هبوب الجنوب - عرض مشاركة واحدة

#1 07-10-2017

ياما حلا الفنجال من غير جوال
في مجلس مافيه شخص يشيله
راحت مجالسنا سنابات وهبال
وكلن يراسل صاحبه مع خليله
يرسل صور أكله وشربه والعيال
ماهمه سلوم العرب والفشيله
راحت سواليف الطحاطيح الأبطال
مجالس أصحاب الحكم والفضيله
اللي سوالفهم سواليف عقال
ماقد مشو درب الردى والرذيله
ياما فقدنا من صناديد ورجال
اللي يحلون الأمور العظيله
صديقنا والعم والجار والخال
ماكنهم داجوا على الأرض ليله
يالله يامنزل تبارك والانفال
تجعل منازلهم جناين ظليله

قصيده عن الف معنى 👍🏼👍🏼
دربكم خضر

الموضوع الأصلي: قصيدة خير من ألف معنى || الكاتب: شيخ الشباب 2 || المصدر: منتديات هبوب الجنوب

www.h-aljnoop.com

كلمات البحث

حروف الصمت معجب بهذا