منتديات هبوب الجنوب - عرض مشاركة واحدة - الجود من الموجود ياجود !!!! قصة قصيرة حصرية ووليدة اللحظة
عرض مشاركة واحدة
#1  
قديم 06-07-2019
شجون الأمل غير متواجد حالياً
Saudi Arabia     Female
اوسمتي
وسام وسام وسام 
 
 عضويتي » 4651
 جيت فيذا » Jul 2019
 آخر حضور » 12-04-2020 (02:51 AM)
آبدآعاتي » 4,950
 حاليآ في »
دولتى الحبيبه » دولتي الحبيبه Saudi Arabia
جنسي  »
آلقسم آلمفضل  »
آلعمر  »
الحآلة آلآجتمآعية  »
 التقييم » شجون الأمل has a reputation beyond reputeشجون الأمل has a reputation beyond reputeشجون الأمل has a reputation beyond reputeشجون الأمل has a reputation beyond reputeشجون الأمل has a reputation beyond reputeشجون الأمل has a reputation beyond reputeشجون الأمل has a reputation beyond reputeشجون الأمل has a reputation beyond reputeشجون الأمل has a reputation beyond reputeشجون الأمل has a reputation beyond reputeشجون الأمل has a reputation beyond repute
اشجع
مَزآجِي  »
mms ~
MMS ~
 آوسِمتي »
اوسمتي
وسام وسام وسام   مجموع الاوسمة: 3

 
الجود من الموجود ياجود !!!! قصة قصيرة حصرية ووليدة اللحظة











]




الجود الموجود ياجود !!!! قصيرة


سلام الله عليكم يانسايم هبوب الجنوب ويسعد الله كل أوقاتكم بالخير
جيتكم من قرية اسمها عروق القلب هالقرية اميرها طيب وكريم وصاحب
مواقف وايادي بيضاء كل همه قريته وأهلها يساعد هذا ويزوج هذاك
ويرمم بيت هذا ويمون هذاك بالمؤن الكاملة وبهالقرية تعيش أم جود
عجوز توفى عنها زوجها وبنتها عمرها سنة وكانت ولازالت ملكة جمال
وأخلاق كاملة والكامل الله بعد وفاة زوجها وانتهاء العدة كلا خطبها و
هي ترفض تقول دفنت قلبي مع ابوجود حاولوا فيها بدون فايدة وفترة
انتهت المحاولات كلها باءة بالفشل وهي كل همها تربي جود بنتها
تربية ترضي الله وحطت همها فقط توفر كل اللي تبيه جود ماتقولها لا
ابد تلبس اغلى الملابس ماتشتري الا ماركات وكبرت جود وصار عمرها
عشر سنوات طبعا حتى المدرسة دخلتها مدرسة خاصة وجهزت لها لوازم
المدرسة كلها طلبيات من شركات عالمية كله عشان عيون جود
ومرت الأيام وكبرت جود وصار عمرها مثل ماذكرنا عشر سنوات رجعت من
المدرسة وهي زعلانه ومعصبة هدتها أمها وتسألها شفيك ياعرق قلبي
انتي صاحت فجأة وهي ترفع اصابعها بوجه أمها ليه كل البنات عندهم
سواقين الا حنا ليه تريحين نفسك وتجيبين شغالة وانا اتفشل مع زميلاتي
اروح بباص المدرسة ليه وش هالظلم الام ماتدري كيف ترد مصدومة من
كلام جود ولهجتها واخذت تهديها ومسكت كتفها تبي تضمها وتهديها
أبعدت عنها بقوة وكأن عمرها عشرين ابعدي عني انتي مو ام االلي تحرمني وهي معها تقدر تجيب سواق وراحت لغرفتها الام انصدمت
حيل كبرت فلذة كبدها واستغربت تصرفها بداية جحود وقالت وحيدتي
ولازم ارضيها وتروح لبنتها وتضمها وجود تبعدها لاتحضنني الا اذا
بتحققين طلبي جود تعودت أي شي تطلبه مجاب عشان كذا مالقت عذر
لامها ووعدتها تقدم لهم سواق اهم شي لاتضايقين ياروح امك وضحكت
جود قالت قولي للشغالة تحط لي اكل وراحت للحوش تلعب بخيمتها المخملية واخذت جوالها وأنواع التصوير وهي تبشر زميلاتها ان أمها
بتجيب لها سواق وشرطت على أمها يكون عربي ماتبي اجنبي ماتقدر
تفاهم معاه وخلال شهر جاء السواق وابتدت مشاوير جود وصديقاتها
صارت تطلع لمطاعم وتصور بسنابها وكل يوم يرتفع عدد متابعينها لانها
تلبس لبس اكبر من عمرها واخذت من أمها كل معالم جمالها بدت
الام تنزعج من كلام جاراتها بنتك طلعت بنتك جت بنتك كل يوم بطعم
ولحالها مع السواق وهي بهالعمر فقررت تكلم بنتها تخفف من طلعاتها
وكلمتها بلين ودلال وترجي كالعادة يا جودي ياحبيبتي الناس يتكلمون
ازعجوني وضايقوني بكلامهم عن طلعاتك ردت جود يا امي نبي نتونس
ليه قدمنا على سواق عشان نحطه منظر والا بس للمدرسة المهم ماقدرت
عليها وكبرت جود والسواق كل سنة يجددون له وجود ماتبي الا هو تقول
عرف بيوت زميلاتها ومدرستها ودخلت جود الثانوية البنت ممتازة وكل
معلماتها يمدحونها ومع الأيام صادقت بنت غنية ومدلعة معها بنفس
المدرسة لكن ماهي شاطرة والسنة تاخذها بسنتين وصارت طلعاتهم جميع
واثرت على جود بكل شي يغيبن عن المدرسة ويوديهم السواق لمطاعم
ولايقول للام شي لانها كانت تعطيه فلوس وهدايا ويجلس معاهن أحيانا
وهن يفطرن المهم انجن عليها حبها هو شاب صغير ومغترب عن اهله
ومرفه عند ام جود لطلبات جود وانبسط يفطر معها ويتأملها المهم
بيوم كانت راجعة من عند زميلتها قالها شرايك اعلمك السواقة اعجبتها
الفكرة قالت وامي لقيتها وتاخذ جوالها وتتصل على أمها قالت لها بتاخر عند صديقتي يمكن للثلاث نبي ندرس وافقت ودعت لبنتها وسكرت السماعة وكلمت صديقتها وقالت لها لو اتصلت عليك امي قولي لها اني
عندك وبنسهر نذاكر قالت ابشري لكن هديتي قالت ماعليك ابشري باحلى
هدية ونقزت قدام عند محمد اسم سواقهم وقالت مشينا قال مشينا ويروح لمنطقة بعيدة مافيها سكان وجلست مكان السواق وهو جنبها
شوي ويحضنها من فرحته بانفرادهم ويشغل لها اغنية رومانسية وهي
طايرة من الفرح انها بتسوق ومسك يدها ويعلمها هذا البنزين وهذا البريك وبدت تعلم شوي شوي ووفقت قال خلينا نريح وكانت الساعه وحده
قالت نريح وجلست تسولف معاه عن طموحاتها وعن اللي تتمناه وهو يسمعها ويدعي لها قال انتي حلوة ومحبوبة وكلا يتمناك وبتحققين
كل اللي تتمنين لان امك بتوفر لك كل شي قال لها شرايك اعلمك الرقص
والزومبا قالت ايه الله كنت أتمنى اتعلم الزومبا وناسه ونزلوا من السيارة
وشغل لها اغنية رومانسية ورمت عباتها بالسيارة ومسك يدها ويرقص
معها وهي مستانسه وفهمها ان رقصة الزومبا لازم احتضان ولازم حركات
ومن فرحتها ركضت وحضنته وهو ماصدق حبيبته بين ايديه وبرضاها
وجلسوا يرقصون وهي بحضنه صارت الساعة ثلاث وقالت محمدرجعنا
الحين امي تدورنا وشالها للسيارة قال محمد خادمك المطيع وضحكت
ولبست عباتها وركبوا سيارتهم ورجعوا للبيت ويوم ورى يوم وهم على
هالحالة ومحمد كان يتحين الفرصة لما تحبه جود عشان يأخذ اللي يبي
منها والام ماهي حاسة بشي وجاء يوم التخرج من الثانوية وتنجح بتقدير
ممتاز بالرغم من انها تغيب لكنها ذكية ويكرمونها المدرسة وحضرت
أمها التكريم واعطوها شهادة جود وهم يمدحونها وانها بتدخل التخصص
اللي هي تتمنى وأنواع التبريكات والتهاني ورجعت للبيت واستاذنت من
أمها تروح تحتفل مع صديقاتها وتفتح الام شنطتها وتعطيها عشر آلاف
وتقول لها انبسطي بس لاتتاخرين قالت لامها يا ماما الليلة نبيها صباحي
مع مزون ومزون هذي صديقتها وكاتمة اسرارها طبعا ماهو لسواد عيونها
للدعم المادي وكان واعدها محمد بسهرة صباحي تجرب الرقصات مع ناس
متخصصين بهالمجال فرحت وراحت شرت هدية جوال اخر موديل وسوارة
وراحت لمزون انجنت من الهدية قالت بطلع اسهر لو اتصلت امي قولي
اني عندك قالت ابشري اتمنالك السعادة وكالعادة انقزت قدام جنب محمد
اللي قال لها هلا باميرتي هلا بوردتي وأنواع الكلام المعسول اللي
فرحها وراحوا لنفس مكانهم وكان مجهز لها مفاجأة فارش الأرض ورد
من كل الألوان وكنب كلاسيكي وطاولة عليها عشاء وتورته فيها
صورتها وكاتب لاحلى البنات جود القلب من فرحتها حضنته وتصارخ
انت بطلي انت روعه امي ماسوت لي هالشي نست كل افضال أمها عليها
وجحدتها وشالها واعطاها فستان اصفر سهرة وقال لها البسيه عشان
تصورين لزميلاتك وعجبتها الفكرة لبست الفستان وحطت مكياج وتعطرت
مسك يدها وجلسها على الكنب وجلس يتغزل فيها وهي مبسوطة
اميرتي العشاء يناديك يبي يفرح باحلى البنات تاكله ابتسمت وماترك
لها مجال جلس يوكلها بيده وهو يهمس باذنها باحلى العبارات و
فتح المشروب اللي فيه نهاية بسمتها واخذ الكوب ويشربها بيدها
وقالت ايش هذا طعمه غريب اميرتي هذا اسمه مشروب السعادة
مايشربه الا الاميرات أمثال جودي وكلامه المعسول استسلمت له
وشربت الكوب كامل بدت تتغير وشالها ويرقص فيها وهو يسمعها
كلام المهم الفاس وقعت بالراس وصارت السهرة صباحي لكن بشقة
محمد صحت جود وهي نايمه جنب محمد واخذت تبكي وتضرب فيه
وش سويت وليه انا هنا هداها وقال يا حبيبتي ياوردتي انتي سلمتيني
نفسك انتي اللي قلتي اروح معاك لاخر الدنيا احبك ياحمودي وجبتك لشقتي
الوقت متأخر وانتي فيك نوم وكلمت مزون قلت لها اذا اتصلت امك تقولها
بتنام عندي ولك هدية وضربته ليه ليه انا وثقت فيك يامحمد ليه كذا
قال انا احبك ياجودي ومستحيل ترضين فيني الا كذا انبسطنا مع بعض
وليلة ولا بالاحلام ولعلمك اغلب زميلاتك علاقات مع السواقين هم ليه
اقنعوك تجبيبن عربي عشان تنبسطين معاه ويعيشك بنعيم الدنيا
وامك مستحيل تدري قومي اغسلي وجهك والبسي ملابسك عشان
نروح للبيت عادي حبيبتي ماصار شي واذا تحبين كل يومين او ثلاثة
نجي هنا ننبسط انا واياك انا احبك ياجودي واللي تبيته اسويه وانا
اكرهك اكرهك ليه خنت ثقتي ليه ياحبي وحط يده على كتفها يهديها
انتي اللي علقتيني فيك جميلة وعندك فلوس تصرفين علي وعلى مزون
وتدرين ان مزون ترسلي انها تحبني وتبيني وانا اسايسها عشانك ابيك
انتي وبس احد يترك هالجمال ويناظر لمزون وترفع يدها وتضربه كف
مسك يدها وحضنه وهو يضحك كف الحبيب عسل صافي ولملمت اغراضها
وركبت السيارة وهي تبكي وركبت بالخلف قالت حبيبتي ليه ماركبتي عندي
وضحك ضحكة شريرة وكمل اسمعي ترى مارح اقدر استغني عنك كل يوم
نروح شقتي لو ساعة ننبسط مع بعض ومجهز لك مفاجآت الليلة على
الوحدة بتقولين لامك بروح انا ومزون المول وبنطلع مع بعض طيب
ماقدرت تقوله لا خافت من الفضيحة ودخلت كانت أمها تنتظرها حضنت
أمها وهي تقولها احبك يمه واشتقت لك وتحضنها وانا اشتقت لك اكثر
لكن قلت خليها تنبسط مع مزون واخذت تبكي وراحت لغرفتها فجأة
تذكرت ولد عمها عبدالله وقررت تكلمه وتلجأ له بعد الله رفعت السماعة
واتصلت الو عبدالله السلام عليكم استغربت هلا جود اخبارك ومبروك النجاح
عبدالله بنت عمك بحاجتك دمك ولحمك تنخاك عاد عبدالله عشقه جود لكن
بصمت ابشري بعزك يابنت عمي وهي تحكي له القصة كاملة وهي تبكي
سكت انصدم حلم حياته تحطم قدامه كان بيقفل السماعة بوجهها وتراجع
بنت عمي وشعرة راسي كيف اتركها ببراثن هالذيب والغلط غلط أمها لدلالها الزايد وغلطنا حنا اللي ماتدخلنا المهم اسمعي ياجود انتي صدمتيني بكلامك لكن انتي بنت عمي ومارح اترك هالوحش هذا يفترسك
ابشري بعزك ماعليك كلها ساعات وارد لك واذا كلمك وافقي وعطيه
موعد وبحلها ان شاء الله كلمها محمد واتفق معها بيمر ياخذها على
العشاء يكون الجو رومانسي وبيعلمها رقصة جديدة هي بينت له انها
مبسوطة عشان مايشك بشي العشاء جاء وسلم على ام جود ولبست
جود وقبل تطلع كلمت عبدالله اللي عطاها جوال صغير وقال خليه شغال
ومن ركبت جود بدا محمد بكلامه المعسول هلا وغلا حبيبتي الليلة بعيشك
بجو ماتنسينه جاهزة قالت اكيد وعبدالله يسمع الكلام وهو ميت قهر
وصلوا البيت ودخلوا الا هو مجهز الشقة ملابس خليعة ومزون كانت موجودة
بالشقة وكانت لابسه قميص نوم عاري وماهي بوعيها والكاسات قدامها
انصدمت جود وناظر لها قال عشان ماتهددك وكل يوم تبي منك هدايا
تنفذ اللي نقولها وهي ساكته لاني نمت معها وصورتها فيديو وهي
مبسوطة لانها ماهي صاحية لكن انتي حبيبتي مالمستك لاني ابيك
بارادتك مو غصب وحسيت انك تميلين لي وبنعيش عيشة الهناء
بارادتك بحبك لي شرايك صفقته كف وقالت تخسى انا اناظر لسواق
عندي انا صحيح مدلعه واطلع واروح واجي لكن مربية امي ربتني على العفة
والشرف على الحلال والحرام ربتني وكرست حياتها لي وحرمت نفسها من
كل شي عشان اخون ثقتها مستحيل اللي تبيه ابعد لك من السماء وضحك
كنت ابيك بالطيب لكن دام رفضتي بجيبك بالغصب واحطك جنب زميلتك
اللي لها الفضل بانها عرفتني عليك ومن يشوف هالجمال ويتحمل ما
ينغمس فيه تعالي ياجودي القلب تعالي ياعمري لحضن حبيبك وقرب
يمسكها دخل عبدالله والهيئة والشرطة معاه ومسك بنت عمه وضرب
محمد بوقس طيحه على الأرض تخسي تلمس شعره من بنت عمي وانا
حي ومسكوه الشرطة والهيئة وتحفظوا على القضية لان جود هي مبلغه
وجمعوا كل الأشرطة والمخدرات والحشيش اللي بالغرفة وكان ناوي
على جود عشان تدمن لكن رحمة الله ثم تربية أمها لها جعلها تكلم وتنقذ
نفسها من هالذئب البشري ورجعت جود للبيت مع عبدالله وقصت لامها
اللي صار ووعدت أمها انها تعلمت من هالدرس شي كثير وانها مارح
تطلع لمكان الا معها والتزمت بحجابها عبدالله تردد يقول لعمته انه يبي
جود من زمان خاف انهم يعتبرونه قيمة عمله قال لازم أتأكد ان جود
ماببالها احد غيري وبعدها اطلب يدها راحت جود لغرفتها تبدل ملابسها
وقرر عبدالله يفاتح ام جود بالموضوع قال عمتي شرايك فيني ياوليدي
انت زينة شباب قبيلتنا وعضيدي بعد عمك الله يرحمه ولولا العيب اخطبك
لجودي امنيتي تكون زوج بنتي وولدي قام عبدالله وقبل راس عمته آه
ياعمتي قلتي اللي بخاطري ياليت تتاكدين من جود ماببالها احد ترضى
بعبدالله يكون زوج واخ واب وكل شي لها سمعت جود كلامه ياعبدالله
ومن هي ناقصة العقل اللي ماترضى بواحد مثلك انا موافقة بعد اذن
امي تعالي ياروح امك تعالي وتحضن جود أمها وتعلن قرية عرق القلب
حفل زفاف الشابة جود جميلة القرية على عبدالله زينة شبابهم اخلاق
وشجاعة وتعليم وجمال وماننسى مزون اللي أهلها زوجوها شايب وطلعوا من القرية وسكنوا قرية ثانية وبكذا انتهت قصتي وأتمنى نستفيد من العبر
اللي فيها الدلال الزائد الا غلب يدمر التربية ومهما كان العامل طيب
لانوليه الثقة العمياء لان الشيطان موجود والنفوس الردية موجوده
ابعد الله عنا كل اهل النفوس الردية وتوته توته خلصت الحتوته ::9.png::




























الجود الموجود ياجود !!!! قصيرة



[/QUOTE]

كلمات البحث

برامج | سيارات | هاكات | استايلات | أكواد | الوان مجموعات | برمجه | منتديات عامه | العاب





 توقيع : شجون الأمل


رد مع اقتباس