|
هلا باللي يموت من الغلا فيني ويحيابي
هلا بك ... يابعد حالي .. وعيني .. واصدق احبابي
هلا باللي ... عجزت اّصل من ابعاد الوله بابه
******
هلا باللي ... الى مني لقيته ضاع بأهدابي
هلا باللي ... الى منه لقاني ضعت بأهدابه
******
هلا باللي ... يغيب من الفرح فيني ويصحابي
هلا باللي ... اغاب من السعاده فيه واصحابه
******
هلا باللي ... يموت من الغلا فيني ويحيابي
هلا باللي ... اموت من المحبه فيه واحيابه
******
هلا باللي ... يمل من الزعل عني ويرضابي
هلا باللي ... كثر مازعل عليه وعنه ارضابه
******
هلا بك ... كثر مامر الصباح الغث طلابي
هلا بك ... كثر ماحنّ المكان لجلسة احبابه
******
سبقتك بالسلام .... وقمت اهليبك على بابي
نسيت انك انت اللي جاء ....وجاب العيد من بابه
******
لك الله .. والغلا .. والشوق .. وشعر فيك سوّابي
سواة اللي لقا نفسه نحيل .... وضاق بثيابه
******
أخذتك بالكلام ... ومانسيت ألا بعض مـــابي
احبك .... بس أخاف ان الكلام يطول والهابه
******
احبك حب .... من كثر قولي نحلت بثيابي
احبك ... وش اسوي والمحبه تقتل اصحابه
******
احبك ايه احبك .... والكلام أكثر من ترابي
واحس اني معاك أوسع من التاريخ وكتابه
حكمة جميلة أعجبتني
إن فقدت مكان بذورك التي بذرتها يوما ما سيخبرك المطر أين زرعتها
لذا إبذر الخير فوق أي أرض و تحت أي سماء و مع أي أحد
فأنت لا تعلم أين تجده ومتى تجده
إزرع جميلا و لو في غير موضعه فلا يضيع جميلا أينما زرع فما أجمل العطاء ..
فقد تجد جزاءه في الدنيا أو يكون لك ذخرا في الآخرة.. لا تسرق فرحة أحد ولا تقهر قلب أحد.أعمارنا قصيرة وفي قبورنا نحتاج من يدعي لنا لا علينا ..
عودوا أنفسكم أن تكون أيامكم
- احترام- إنسانية- إحسان- حياة !
فالبصمة الجميلة تبقى وإن غاب صاحبها . |
|