مشتاق لك لكن مقدر احاكيك
بيني وبينك يصعب اللي بقوله
واردده واقول في روح مغيك
انا اعرفك لكن نفسي عجوله
اشتاق لك وانسى واضيع واناديك
وارتاح لو شفتك قبالي خجوله
اذكر كلامك وابتسم وانبسط فيك
واذكرك دآيم والليالي جهوله
ودي بشوفك واهتني بك واسليك
لو ضاق بك وقتك ووراك هوله
يانبض قلبي وين حضي موديك
القلب ينبض بس لو كنت حوله
لوغبت عني انزعج في معاليك
بين الخليقه احس عيني ذبوله
مدري تغلى والا مساعد مجافيك
اقفيت عنه بكل هذي السهوله
اقل شي اعرف غيبتك بس واحميك
من وقتي اللي ينصدم من ذهوله
مدري توديني لدرب التهاليك
والا الهلاك اللي يقرب وصوله
اما يكون الحب بالقلب يعميك
والا اعتبر موتي وموتك نزوله
ارجوك لايكثر زمانك مساريك
ودي اجيلك يوم وانتي غفوله
وشوف قصدك ليه تبعد خطاويك
بس الصراحه كل واحد بـ دوله
لكن ابزعل وازعلك يوم وارضيك
وانسيك خط العرض وانسيك طوله
وان قلت احبك ماعليه ولاعليك
مدري الجهاله هذي والا الرجوله