منتديات هبوب الجنوب - عرض مشاركة واحدة

#1 30-06-2019

أحبتي في الله
السلام عليكم ورحمة الله وبركاته
الله يسعد مساكم بالخير والستر والعافيه
اليوم الأحد ولا ماهو صحيح اضن باقي
اعرف وماخرفت ولاجاني زهايمر الا
هو الأحد ولن ياتي أحد بعده في شوال
اقول يالواصل سيبك من الخرطي وهات
وش في جعبتك اليوم ههههه اضن وصل
المخمس من مين الله اعلم

الوافي : ياقوم ياسكان هبوب الجنوب الحاضر يعلم الغايب واللي يحب الواصل لازم يبادر بالحضور انا نحرت اثنين من القعدان وحياكم الله الحقيقه الواصل نحبه كان قادم من الغرب واضنه كان مضيع الطريق والحمد لله تذكر حتى أسمه ويستاهل الدسم شاربه هيا لاتأخرون والعشاء في قاعة الفستقه الذهبيه في الجنوب الغربي من الهبوب وحياكم الله

عروبة وطن : ياسلام يعني اليوم عندنا حفل ووناسه بس لاتطولون في السهره علشان اللي عنده دوام يتعشى بدري ويدبك شويه والله يستر عليه اما انا والبنات فصباحي خلونا نفلها والرزق على الله وفرحه العمر مره هههههه ياساتر ليش مره ماكل يوم نفرح بس فرح الليله غير الواصل ضيف ونكه جديد والله يجعله واصل خلوني اروح اجهز المكسرات والحلا استعنا بالله

همسات الجنوب : ياساتر ياساتر كل هذي الهيلمه على شان الواصل خير ياطير كان جبتو تيس مندي وبوفيه للبنات وانتهى الكلام ليش الخساير بدأ البخل ياخذ طريقه هههههه ما أعتقد تمزح

بنت القحم : كلوووووووووو ش تعرف تزغرد تقول الله كم فرحتي الليله ووالدي ضيف على القوم وطاحت القعدان من العصر والقاعه بارده تكيفها عالي والحلا وصل والمياه وصلت بس ياليت فيه تيس مندي علشان تفتح شهتي للأكل اقلها دجاجه محمره انا ما أكل لحم الحاشي يرضيكم ابقى بلا عشاء والله مدري لاتسونها وانا الليله باكون المطربه حقتكم والمزغرده

زهرة ايلول : حتى انا غيرت نكي وماحد ذبح لي دجاجه والواصل قاعد يتقلب بين القعدان وانا بحوكتي طرف القاعه ليش يعني خلاص الواصل أكل الجو منا كلنا طيب أن ماسلطت عليه راعي العكاز يسوقه قدامه والله يعينه يروح يجيب لي سوبيا من البلد ما ينبلع الأكل عندي الا بسوبيا زبيب ولا ماعاد احضر معكم في أي مناسبه

الحولا : وصلت وهي تزمجر وتقول فينه وروني فينه الله يستر تدور على من اضنها غلطانه ولا ناسيه شي ما أعتقد انها تبحث عن والدها فهي فرحانه بالمناسبه أجل من تقصد تقول فين الوافي اتفاهم معه انا قلت له خل القعدان ثلاثه وما ذبح الا أثنين معقول مايعرف اني عزمت كل البنات اللي معنا واللي في الحاره خلونا نفلها والساتر الله يابوي تكفى لاتاكل من السنام خلك حول الفقار والكتف اخسي يالحولا تعرف مواقح اللحم الزين

ميرندا : لالالالا مايصير لازم منتو وفرموزا علشان اتعشى باجيب السلطات معي وأم علي فلا تخلوني ازعل وانا اذا زعلت مدري وش اسوي تكفون لاتنسون اليغمش والشطه حقته ياعيني ياعيني وصلنا للمنتو لايكون البنت بخاريه ولا من تركستان

أبو عبد الأله : ابشروا بالدسم القعدان وصلت للمطبخ ووصيته على طرمبه وسلطه حاره وخيار ووصيته على سنمبوسه 400 حبه بلحم العجل البلدي وتستاهلون ويستاهل الواصل كل خير بس عساه مايتركنا بعد هذي الهيلمه لا أن شاء الله يطلع عاقل ويحبنا كما احببناه

الواصل : ياسلام على الكبار لما يرحبون ويضيفون ياسلام على المكان ومن يسكنه ياسلام على الكرم ومن يفعله كل هذي الأنوار والزينه والتراحيب بالقحم الذي يمشي ويتنافض خير وش الطاري هي محبه ولا تقدير للقحم ولا اغراء علشان يبقى مربط بينكم اعتقد والله اعلم انها محبه وما أجمل المحبه أذا ارتبطت بالكرم فين يروح الواصل ويترك النعايم ربي يخلف عليكم ويكثر خيركم ويسلم الوافي ذباح القعدان تسلمون طبتم وطابت أوقاتك ياكرام الواصل مر وشاف نفسه فاضي وحب يسولف معكم وهذي من الجعبه وطازه لكم حصريه تحياتي للجميع

الموضوع الأصلي: العزيمه فالكم الداعي الوافي || الكاتب: الواصل || المصدر: منتديات هبوب الجنوب

www.h-aljnoop.com

كلمات البحث

نزف القلم ,مساحة قلم ,زهرة ايلول ,ميرندا و 3 آخرون معجبون بهذا