09-04-2020
|
#451
|
عطونا علوم اللي من العام ما شفناه
عن العين غايب والهواجيس تاجي به
تعود على اغيابه وانا باشتكي فرقاه
خذاه الفراق وترقب العين تغريبه
انا لي وليفٍ عيت العين لا تنساه
وزوله يمر العين واوقف وأهلي به
كتمت الفراق ونار قلبي سرت تصلاه
على جمر عود في خلا مونسه ذيبه
إلا يا وجودي وجد من خانته يمناه
يرد العطايا خوف للناس تحكي به
وعود على صدره بكفة ضرب مثناه
ويرزم رزيم المحتية خايف الصيبه
خذته السنين ورأس ماله هجير وشاه
ولا احد من الجيران لا ون يدري به
بكيت الفراقه واحترق بالحنين اقصاه
وشدت مطايا دمع عيني على غيبه
من الحزن دمع العين شق العصب وادماه
لحزني مصيبة والفراق أكبر امصيبه
|
|
|
|
|