منتديات هبوب الجنوب - عرض مشاركة واحدة

اوسمتي · #1 05-08-2017

سهرت في صحبتك يا طيفها الباقي
أتوق لمعانقك وأخاف تخدعني

أخاف أبعثر معك هـ الليلة أوراقي
أصد عنك وأشوفك صرت تتبعني

تجي وشوقك بقلبي يحرك أشواقي
كلك دلع وأشهد أن الله مولعني

ساكت وتدري سكوتك سبة احراقي
حرك جروحٍ لها عامين توجعني

وش فيك مشتاق لي ياحيّ مشتاقي
يعني إنت أوفى من الغالي بتقنعني

الغالي اللي على عهدي وميثاقي
الله يخليه لي لو هو مضيعني

ما كنت أحسب الزمان يغير أخلاقي
ولا كنت أحسب الليالي ليل تجزعني

وما كنت أحسب الفراق يضيق أخناقي
ولا كنت أحسبه يبعثرني ويجمعني

كنت أحسب الوقت تو الوقت لي راقي
طاوعت الأيام عيت لاتطاوعني

الليل صادق هموم العاشق الشاقي
خوة وفا والوفا من صاحبك يعني

يرجع ويسقي عروقٍ خانها الساقي
بعد سقاها مجوعها وجوعني

يا طيفها قلها ماني ترى لاقي
من بعدنا غير هم الروح والمعني

أنت الهوى صار لا نازل ولا راقي
تقطعت بي سبل وصله وقطعني

هاك الدروب الطوال ولا شكى ساقي
لان الغلا والوفا والشوق يدفعني

بلغ أصل صورتك يا طيفها الباقي
إني أطلب الله يرجعها ويرجعني

الموضوع الأصلي: سهرت في صحبتك || الكاتب: الوافي || المصدر: منتديات هبوب الجنوب

www.h-aljnoop.com

كلمات البحث
برامج | سيارات | هاكات | استايلات | أكواد | الوان مجموعات | برمجه | منتديات عامه | العاب

بسمة امل ,همسات المنال معجبون بهذا