منتديات هبوب الجنوب - عرض مشاركة واحدة - هيَّضني طير | شعر : خالد الوقيت

اوسمتي · #1 21-08-2019

هيّضني طير ٍ على دوح الشجر غنّى
والشمس مالت على الغـيبه ولا غابت
عزف على أوتار إحساسي وانا معنّى
وحرّك بقايا جروح ٍ ما بعد طابت
لا قلت منا السلوّ ....... تلوعـني منّا
الفرحة متفاوته .. بس الحزن ثابت
ما هوب لهفه على من تنقش الحنّا
عفراً من الصيد لا هبّ الهوا هابت
العود إملود .... بـالخطوات يتثنّى
فوقه كما البدر وأصله بـاللوى نابت
لكنّي ملهوف ... من فقدان ما اتمـنّى
هقيت شي ٍ .... ولكن هقوتي خابت
ياوقيت .. من يعذل المحزون لا حنّا
لا يامه اللي نحت عنّه ..... ولا آبت
أذا تذكر ........ زمن .. ما كان يتهنّى
تهاملت دمعتين الشوق .... وانسابت
يوقد شموع الأسى بـ الليل ... ويونّا
تذوب كبده ... من الحسره ولا ذابت
وحنا نحفظ الوفاء والعهد .. من كنا
تكرم لحـانا عن النكران ... لو شابت
لو صدّت قـلوب راعين الغلا ..... عنّا
ماصدت اقلوبنا عنـهم ... ولا ارتابت
ياوقيت وانت القريب اللي على الظنّا
وبعض القرابات ..لا ودّت ..ولاجابت
كريم ..... جودك يفوق الهيل والبِنّا
جمايل ٍ ... في ثناها الناس ما حابت
والمِدح صيد ٍ لنا مبطي .... وما زلنّا
صبنا مراميه .. يوم البعض ماصابت
نرفى الخوي لا هفا حظه ... ونتعنّى
في حاجة اللي علينا وجيهــهم ثابت
لو كان من يبغي الفزعه .. مهو منّا
ناقف معه .. لا كبته من الزمن كابت
عادات لاخوان هلّه قبلنا .... و بنّا
مفاخر لو يعيب الوقت ما عابت
وحنا على دروبهم - ياوقيت - ما هنّا

ما نتوب عن طيبنا .. لو العرب تابت

الموضوع الأصلي: هيَّضني طير | شعر : خالد الوقيت | اداء : نايف راضي || الكاتب: الوافي || المصدر: منتديات هبوب الجنوب

www.h-aljnoop.com

كلمات البحث
برامج | سيارات | هاكات | استايلات | أكواد | الوان مجموعات | برمجه | منتديات عامه | العاب

زهرة ايلول ,النقاء معجبون بهذا