29-07-2020
|
#1187
|
انا انجبرت بشخص والشخص مجبور
مجبور في غيري وانا اتعبت حالي
لوما فطن لي لابس الشال معذور
مشغول عني بواحدن عنه سالي
حطم غروري حيث انا كنت مغرور
وحطم غروره واحدن مايبالي
جاني وشكالي يطلب الراي والشور
ويقول انا مجروح من فقد غلاي
مايدري اني فيه مبلي ومسحور
وشلون انا بشكيه دامه شكالي
لا ياسمي الماس ياملح يانور
افطن لحالي ياخلف من غدالي
دوبك ترى الشاعر احاسيس وشعور
لا لاتخط ايديك قصه زوالي
صارحني ابحبك ترى القلب مخطور
حيرتني والبعد زاد انشغالي
مايكلفك ردي عشره اسطور
اكتب وريحني بنفس المجالي
ترى الثواني عندي ايام وشهور
وقلبك فهم معاني جاوب سوالي |
|
|
|
|