منتديات هبوب الجنوب - عرض مشاركة واحدة

#1 05-02-2017

بالهون ياقلبي مع الناس بالهون
محدآ ترى يا قلبي الحين يمك

الكل في ليله يغني و مفتون
و أنت تغني تالي الليل همك

و أحباب قلبك في هواهم يغنون
و أنت تغني ليل يا ليل غمك

أحباب قلبك يم غيرك يسارون
و أنت تساري الهم يا قلب لمك

ما تدري أنهم في مساهم ينامون
و أنت سهير الليل و أضويت دمك

الحب في دمك و الأحباب يحبون
أنك تحب و حبهم حيل سمك

أصحى و صحصح يا مغفل و مجنون
و خل الحلوم الي بليلك تضمك

ودك تأكد كيف للحب يلغون
شفهم بحضن الغير ملغين شمك

شفهم ترى جنبك و يمك يمرون
ما كنهم من قبل بطراف كمك

شفهم ترى قدام عينك يحبون
واحد تعدى سن خالك و عمك

نسوه و الحين ما هم يدانون
تطري غلاهم ودهم كتم فمك

بالهون لا تزعل على الحب بالهون
بكره تلاقي من بحبه يلمك.

الموضوع الأصلي: الكل في ليله يغني و مفتون || الكاتب: بسمة امل || المصدر: منتديات هبوب الجنوب

www.h-aljnoop.com

كلمات البحث

غرام الورد ,أمـيـرة إلـورد معجبون بهذا