منتديات هبوب الجنوب - عرض مشاركة واحدة

#1 14-07-2019

أحبتي في الله
السلام عليكم ورحمة الله وبركاته
الله يسعد مساكم بالخير والفرح والمسرات
ويرزقني وإياكم من واسع فضله وأن يحسن
لنا جميعاً القول والعمل انه قادر اللهم امين

تعلمون أنه قبل ايام قليله وجدت شاب يتلوع من الهوى والحب ويشرب من ماء العين الزرقاء ولايروى ويردد في نفسه وعلى الملا أنه عاشق ويبحث عن القحم الواصل ليحل مشكلته مسيكين يامن تحب واحده وهي ماتحبك ولا تبغي طاريك ياقوم هل الواصل يحب الخير للناس ولا يفكر في اسعاد بناته وحفيدته ماشاء الله على الحفيده اصبحت عروس ولكنها ماتفكر في العرس حاولت اقنعها بولد الفاضل وطنبرت علي ويالله عساها ترضى دار بيني وبينها الحوار التالي ؟

الواصل : ياشجون تعالي ابيك دقيتين وروحي جات تجري وعندها علوم ولكنها ماقصرت جابت معها دلة قهوة وصحن رطب برحي فقلت لها ياحفيدتي الرجال يتلوى على نار الغرام ولازم نرد له خبر حتى لانكسب فيه أثم وش رايك ابغا ارد له خبر بنعم أو لا مع أن كلمة لا يمكن تكون فيها لفظ أنفاسه وش رايك ياشجون الأمل

شجون الأمل : ياجدي الله يصلح ويطول لنا بعمرك أنت تعرف رايي في الزواج من زمان أنا قافله هذا الباب وماهو ذنبي أن يحبني كل من يراني اللي يحب لمجرد الرؤيه هذا فيه مايقال كيف له أن يطلبني للزواج بمجرد نظره على العين الله ياخذ عقله الحقيقه ياجدي عمتي الشكوى لله نصحتني نصيحه وقبلتها وحطيتها تاج على راسي قالت لي لاتقبلين فهذا المغرم لانعرف عنه شي وبعدين راح يبعدك عنا وماعاد نشوفك ويمكن يكلفك برعاية الغنم وحلبها وانتي معززه مكرمه معنا ورأيت أن كلامها عين العقل وشفها جايه من هناك وعباتها لها رفرفه اضنها عرفت أنك عندي حياها الله

الشكوى لله : السلام عليكم يا أبي وانتي ياحفيدة والدي أنا رأيتكم وشميت ريحة الشاذليه وجيت جري حتى عباتي مسكت في عرفجه وانشقت لكن فدأ من أجل عيون شجون كل شي يهون وش عندكم مجتمعين قلنا نناقش أمر الخطبه وذاك المهوس في بنتنا وش رايك صاحت لالالالالا حتى لو كان اخر الرجال ما نرضى واصرف نظر ياقحم ولاعاد تجيب لنا من هالأشكال ولا تسمع كلام صاحبة الحوكه تبقى ترقص وتفرح على حساب القحم وبناته اشوفه من اول أمس وهي رايحه جايه عند الخياط والكوافير تقول زواج شجون قرب والحقيقه انا مسكت في اذنها اليمين وقلت لها لاعاد اذني تسمعك ترددين بين القوم هذه العباره وعيني لاتشوفك توطوطين حول شجون والقحم خلينا حبايب واخوات ولا تري اذنك هذي بمصعها من جنب صفحك سمعت ياوالدي ووصلك العلم روح قابل المفتون واقنعه يدور نصيبه عند غيرنا طبعاً انا سمعت الكلام وتأكدت أن بنتي هي اللي لحست مخ حفيدتي وانا الله يعينني اروح للرجال واتعذر منه

الواصل : ركبت بغلتي الحنطيه ولبست لامتي الحربيه واهمها الفقوش وتوجهت وكأني الزير سالم متجهاً لقبيلة السنابك رأني الغلبان الذي سلب عقله فأنحدر كأنه جلمود صخر حطه السيل من علٍ واستقبلني هلا ومرحبا بالكريم ابن الكرام هلا بمن جاء من ديرة الحبايب الله اكبر حبك برص مابقي الا يشيلني على ظهره احتفاءن بمقدمي مما زاد الأمر تعقيداً في ذهن القحم وماذا يقدم من العذر بعد ماشفت التراحيب وشفت الطلي انسدح ودمه يفور يعني هذا العشاء المهم قلطنا في خير منزل وقدمت الضيافه كما هو متعارف عليه المهم سولفنا وعلمنا بعلومنا وقلت ياولدي أنت زين الشباب وكل البنات تتمناك ولكن بنتنا اللي فتنتك محرمه الزواج وكم حاولت معها وفشلت وأنت تعرف أن الزواج لابد أن يحكمه النصيب ولا يتم بالأكراه وهذي سنة الله في خلقه والحقيقه تلعثمت وتوقفت كلماتي وتاهت عن مخارجها ولكن لابد منها فنصيبك ماكتبه الله عندنا مع أن غالي ومن قوم كرام فالمعذره تعطى وتؤخذ لمثلك وشرواك رد ابوه وقال حللت اهلاً ووطأت سهلاً يالواصل وكل أمر ممكن أن يؤخذ فيه العلم ويرد ولكن الزواج قسمه ونصيب وأنت ماقصرت وقمت بما يجب عليك ونحن نعذر ونشكر فحياك الله وأنسى الأمر وسوف نبحث لولدنا عن عروس وأنت ومن تحب أول المعازيم فقلت له بارك فيكم وعساني ما أعدم الصناديد امثالكم والله يخلف عليك ويكثر خيركم عشوه ولا في الأحلام واستقبال حافل وكما يقال في اثالنا (الرقص من شان العباه) اللي يدور على تفسير المثل يمسك صاحبة الحوكه ولا المغزوله تحياتي للجميع وهذه نهاية قصة المتيم

وليدة اللحظه وحصريه
لهبوب الجنوب

الموضوع الأصلي: القمرا ماجت على هوى الساري || الكاتب: الواصل || المصدر: منتديات هبوب الجنوب

www.h-aljnoop.com

كلمات البحث

زهرة ايلول ,النقاء ,ملكة الأحساس ,مساحة قلم و 5 آخرون معجبون بهذا