منتديات هبوب الجنوب - عرض مشاركة واحدة

17-02-2011

اقتباس:

المشاركة الأصلية كتبت بواسطة دمعة أنثى

رسمت الوهم بيديني مناظر ماله مضمون
بريشة حزنها طاغي غزير الدمع يغرقها

أعانق وهمي الكاذب واغنيها فرح ولحون
شبيه مكذب الكذبه وأول من يصدقها

أنا ماأعري القلب الجريح بمسرح مجنون
ولا ابيع الكرامه لو تبيع الشمس مشرقها

أنا أدفن داخلي حزني ولا فيه البشر يدرون
صبوره لو قسى وقتي على روحي وطوقها

كتومه لو تقطعني خناجر حدها مسنون
كتمت الصرخه وحلقي خنقته قبل يطلقها

جزومه لو تحاربني الضباع وذيبها مفتون
نسى باسه وتاريخه وأصبح مايفارقها

حسافه كيف تابعها وصار بحبلها مقرون
وراها يمشي ويتبع خطاها مايسابقها

جمع مابين حقدٍ دفينٍ ينفضح بعيون
نجوم بليلها المظلم ضياء الشمس يحرقها

خلاصة قولي الفايت إذا له من فكر مضمون
لو ان أوهامهم تصدق أموت ولا أصدقها