منتديات هبوب الجنوب - عرض مشاركة واحدة - وشبكـ عليناااا .. ضايق الصدر زعلاااان ..!!

#1 30-05-2021

وشبك علينا .. ضايق الصدر زعلان
َويش الذي .. قد جاك منا . وزعلك

وشب المعزه اصبحت في خبر كان
ويش الذي عن دربي يازين حولك

لا تحسب الغير حل دارك والاوطان
لا .. والذي سواك .. وبالزين كملك

إن كان غيره فأحسن الظن يا فلان
وكانك تدلل .. يا انا .. فدوت تدللك

عاتب حبيبك .. كان في يوم غلطان
إن كان به شي في فؤادك ويشغلك

راعي حبيبك . . شوفه اليوم تعبان
من ويش .. يا عذب المعاني تمللك

الحب لك وحدك .. ولا هو . لإنسان
يا ليت تدري .. عن مكانك ومنزلك

لك منزله في وسط قلبي والاعيان
ورموش عيني .. يا غلاها .. تظللك

كانك تجازي .. عهد حبي .. بنكران
اعرف ترى قلبي . . من العهد حللك.

وشبك علينا ضايق الصدر زعلان...

الموضوع الأصلي: وشبكـ عليناااا .. ضايق الصدر زعلاااان ..!! || الكاتب: عاشق الطيب || المصدر: منتديات هبوب الجنوب

www.h-aljnoop.com

كلمات البحث

الوافـي ,نجوى الروح ,جوريه ,العذوب معجبون بهذا