منتديات هبوب الجنوب - عرض مشاركة واحدة

#1 26-04-2020

آخر الحب

كنت احسب اني عرفت الحب قبل اعرفك
وعشقت قبل اعشقك واشتقت قبل التقيك

وكنت احسب اني لقيت احباب قبل اوصلك
واثري توهمت في غيرك وانا كنت ابيك

تعال نعطش وتشربني وانا اشربك
تعال قبل الوعد اجلس معي نحتريك

تعال شفني وانا استناك كم اشبهك
يطري علي الف راي و راي واحتار فيك

اجي مكان الوعد والا اسبقه انطرك
والا آخذ الموعد اللي يحتريك واجيك

يا آخر الحب ذقت الحب في اولك
ويا اول الشوق اقصى الشوق ما ينتهيك

علمتني كيف اعرفك لين صرت اجهلك
ضيعتني في متاهاتك وكنت ارتجيك

حبيب الاحلام يابعدك ويامقربك
حرام يكفي تبعثرني وانا احتويك

ان شفتك بحلم صدقته وانا اتوهمك
وان شفتك بعلم كذبته الين انتشيك

اخاف اغمض عيوني وان رمشت افقدك
واخاف افتح وتصبح حلم ولا التقيك

لطلال الرشيد

الموضوع الأصلي: آخر الحب || الكاتب: وليد || المصدر: منتديات هبوب الجنوب

www.h-aljnoop.com

كلمات البحث

غرام الشوق معجب بهذا