غريب الدَّار ومنـاي التسلِّـي

أسلَّي خاطري عن حب خلِّـي

أسافر عنه مـن ديـره لديـره

عساي أسلاه لكن ماحصل لي

أنا لاجيت أبنساه التـوى بـي

خياله وانهمر دمعـي يهلَّلـي

دعاني ياغريـب الـدَّار عـوَّد

ترى مالـك محـل إلاَّ محلَّـي

سمعت الشَّور من قاصر معرفـه

يحسب البعد عن داره يسلَّـي

وأهوجس فيه وأنسى إنَّي نسيته

وأفكَّر في ليالٍ قد مضـىً لـي

وأشوفه واقفٍ من دون دمعـي

حبيب القلب في عيني يهلَّـي

مكانك في عيونـي ياعيونـي

وصدري من عناقـك مايملِّـي