منتديات هبوب الجنوب - عرض مشاركة واحدة

#1 19-04-2019

بسم الله الرحمن الرحيم
هلا ومليون غلا منورين المتصفح وان شاء الله يعجبكم تحياتي

اعرفك باية صفة ؟ واملكك باية كتاب ؟
قلي بربك باية دين نسبح في الهوى ؟
ياخوي الشوق قلي اعشقك من أي باب ؟
من بيسمح للقلوب العاشقة تسهر سوا ؟
كيف اضمك في كفوفي ياعناقيد السحاب
والفضاصحراءكبيرة وسطها ذيب عوى
من بغى ياخذ من انفاس الهوى منها يهاب
يترك العاشق دروب الحب لوقلبه نوى
عاد انا ليه اتعنى واكتب اشعار العتاب
و المشاعر ماذبحها غير ابيات الجوى
من هنا مانيب كاتب عن متاهات الغياب
حتى لو انه خفوقي يتعبه طول النوى
مابي اوراق القصايد تحمل هموم وعذاب
من هجوس لوبغى ينسى همومه ماقوى
بعتبر نزف المحبة حرف اذنب ثم تاب
دام من يكتب احاسيس الغلا شخص غوى
والكلام الي حبسته في صدى الآهات ذاب
كبله قيد انتظاره في سجن صدري ذوى
خايف بوح المعاني ينتثر فوق التراب
تتركه كف الثريا ياكل خدود الثرى
ظامي حرفه وطايح في مساحات السراب
يلفظ انفاسه على سطر القهر لينه ثوى
في مكان مالقى حرف الغلا ظل وشراب
مالقى غير السموم الي شربها وارتوى
بعد هذا اعذر الي قافه المولود شاب
واعتبر مخطوط شعري زال حبره وانطوى

بقلمي
طاري الشوق

الموضوع الأصلي: @^ عناقيد السحاب ^@ || الكاتب: طاري الشوق || المصدر: منتديات هبوب الجنوب

www.h-aljnoop.com

كلمات البحث

فاتن ,الصولجان ,عروبة وطن ,ابن الجبل معجبون بهذا