منتديات هبوب الجنوب - عرض مشاركة واحدة

#1 04-01-2017

[BLACK]

عِوضوك بغيِابي
الشيخ حمدان بن محمد بن راشد ( فزاع )
عوضوك بغيابي تقول وحشتك

عَوّضوك ْبغيابي لا تَقول انّي َوحَشْتك
لا تجاملْ دخيلك في شعور يْعَنيني
بَسّ يكفي كفايه لا تمادى عَرَفْتك
خَاين الحب مَا له في فوادي حَنيني
إنت ياللي بعيني حِلْم عمري رسَمْتك
وكيف تجرح خفوق يعشقك من سنيني
أحسبه زاد حبّي في غيابي وْحسَبْتك
ما تجاهَلْ وِدَادٍ كان بينك وْبيني
كَم سَهَرت الليالي وكم ليله سَهَرْتك
وكم ليله خَيَالك نام في وسط عيني
وكم قل لي دخيلك كم ليل اْنتظَرتك
كم قل لي تِفَضّل، كم صَدّك يجيني
كنت تجري بْدَمّي لا نزَفْته نزَفْتك
كنت ساكن خيالي، داخلي مِحتويني
من كتَبْ الحروف الأبجديّه كتبتك
"لامَه" إن كان تبغي أوَّلْ الحرف "سيني"

[/BLACK]

الموضوع الأصلي: عوضوك بغيابي لا تقول اني وحشتك || الكاتب: بسمة امل || المصدر: منتديات هبوب الجنوب

www.h-aljnoop.com

كلمات البحث

غرام الورد ,أمـيـرة إلـورد معجبون بهذا