منتديات هبوب الجنوب - عرض مشاركة واحدة

#1 13-10-2016

تولم للجفا خل العتاب وشرهة الخلان
على صم المشاعر ذاب صوتك يا مناديني
نسيت الصوت وأخباره ويا مالك من النسيان
من أقصى خافقي هذي علومي كان توحيني
صبرت ولاظفرت وقلتها لك بالفم المليان
أنا ماجيتك أذرف دمعتي حتى تواسيني
أنا ماجيتك ولا في بالي إلا كان ياما كان
على وضح النقا تدفعني العزة وتغريني
ولو انك في مداهيل الجوازي باشة الغزلان
تهون وكل درب جابني يمك يوديني
حشى ما كنها صابت لواحظ طرفك الفتان
ولا كني سريت بطلتك والليل ممسيني
غلاك اللي ليا جيته زما ما يروي العطشان
لو انك في عروقي تجمعه ما عاد يرويني
على تالي مواعيدك من البارح وانا سهران
بغيتك للسهر مثل المنام وطحت من عيني
قصر عنك البياض وغاب وجهك والوجيه ألوان
يجي يوم تدورني هناك ولا أنت لا قيني
أبد ماهيب من تالي حساباتي وانا ضيدان
اليا مني رضيت بمثل هذي وش تسميني؟!

كلمات الشآعر ... ضيدان المريخي
اداء المميز .. محمد العبدالله

الموضوع الأصلي: شيلة خل العتاب وشرهة الخلان || الكاتب: جنان الكلمة || المصدر: منتديات هبوب الجنوب

www.h-aljnoop.com

كلمات البحث
برامج | سيارات | هاكات | استايلات | أكواد | الوان مجموعات | برمجه | منتديات عامه | العاب

حنان ,همْس ,الوافـي ,صقرالجنوب معجبون بهذا