منتديات هبوب الجنوب - عرض مشاركة واحدة - ياشيـن الجـرح مـن خـل ٍ عزيـز ٍ صنتـه وخـانـك

#1 17-07-2009

الا ياللي جرحت القلـب ثـم زدت الطعـون طعـون
لـك الله مــا ذرف دمــع العـيـون الا عـلـى شـانـك

صحيح الجرح من غيرك علـى قلبـي تـراه يهـون
ياشيـن الجـرح مـن خـل ٍ عزيـز ٍ صنتـه وخـانـك

انـا اللـي كنـت احبـك حـب مثـل الهايـم المجـنـون
وانا اللي كنت اغار اصلا عليك اكثر من اخوانـك

وانا اللي كنت احسبنـك حبيبـي وسـط هـذا الكـون
وانا اللـي كنـت اشيـل همـوم قلبـك وابعـد احزانـك

وانا اللـي كنـت اشوفـك فـوق والعالـم ولا يسـوون
واحــب الـلـي تحبـونـه واعـــادي كـــل عـدوانــك

وانـا اللـي كنـت اداري خاطـرك وادلـلـك بالـهـون
ولا اصـــدق كـــلام الا كـــلام ٍ يـنـطــق لـسـانــك

وانا اللي كنت اشوف من البشر مليون لون ولـون
ولا افـكــر احـــب انـســان لان الـقـلـب مسـكـانـك

وانا اللي كنت اقول الشعر ابك والناس ما يـدرون
كتـبـت بـــدم شـريـانـي ولا هـــو بـــدم شـريـانـك

عطيتك حبي الصادق مشيـت اعمـى بـدون عيـون
عطيت احساس شاعر يعزف اوتاره على الحانـك

احسبتك معي صادق علـى وضـح النقـا مـا تخـون
علـى العهـد القديـم الـلـي مـعـاي وبــرت بايمـانـك

واحسب اني حكمت احساسك الكاذب واثره ضنون
وذلحينـه مسحـت اسمـك عـلـى رقـمـك وعنـوانـك

الموضوع الأصلي: ياشيـن الجـرح مـن خـل ٍ عزيـز ٍ صنتـه وخـانـك || الكاتب: ظل الياسمين || المصدر: منتديات هبوب الجنوب

www.h-aljnoop.com

كلمات البحث