منتديات هبوب الجنوب - كل ماضي نسيته وانطوت ذكراه

منتديات هبوب الجنوب (http://www.h-aljnoop.com/vb/index.php)

- ۩۞۩ هبوب الشعر وهمس القوافي ۩۞۩ (http://www.h-aljnoop.com/vb/forumdisplay.php?f=14)

- - كل ماضي نسيته وانطوت ذكراه (http://www.h-aljnoop.com/vb/showthread.php?t=48732)

كل ماضي نسيته وانطوت ذكراه

كل ماضي نسيته وانطوت ذكراه
غير ماضٍ جرحني ماقدرت انساه
صعب والله نسيانه وصعب البوح
يازمن من يداوي قلبي المجروح
اتعبتني خفايا أنَّتي والآاااااه
والألم ماعرفته ويش هو معناه
طول ليلي على جمر اللظا مطروح
يازمن من يداوي قلبي المجروح
آه ويلاه من جرح الزمن ويلاه
هد حيلي وعذب خاطري واضناه
وين اجي من عذاب السالفه واروح
يازمن من يداوي قلبي المجروح
إنما مايطيح النجم من علياه
لا ومهما زمانه بالجروح اعياه
باقي العمر في طيِّه امل وطموح
والصله واصله بين الجسد والروح
حَرَّك الدمع موال الشجن واجراه
واجبر احساسي الساري على مسراه
هوجسة قلب برقه فالخفوق يلوح
يازمن من يداوي قلبي المجروح
ذا زمن شين يغزي والبشر مغزاه
والمقدر لكل انسان بايلقاه جوف صدري
مع نوح الطيور ينوح
يازمن من يداوي قلبي المجروح
راعي الجود والمعروف في دنياه
كلما مات حلمه بالعزوم احياه
دام زهر الأمل مثل العبير يفوح
ربما اعود الملم حلمي المذبوح
ياصحابي وفا لصحاب عِزّ وجاه
والصديق الوفي يصبر على ماجاه
كلما كان منهاج الرفاق وضوح
فالصراحه دواء للخاطر المجروح
حادي السير في سود الليالي تاه
حد مَمشاه في دنيا الألم مَلفاه
والهدف لو تقفَّل بابه المفتوح
قل عسى الله يعاود مسلكه مسموح .
الشاعر/ ابوعلي عبدالله احمدالقاسمي