تو مالبست شماغ وانتي عباية ..
 

..
يازين يوم اني انا وانتي صغار
توما لبست شماغ وانتي عبايه

بالطول ماناصل ولا خمسة اشبار
دايم نقيس اطوالنا بالمرايه

مابيننا شين نخبيه واسرار
ماغير لعب اطفال كل الحكايه

ماهمنا موجز ولا نشرة اخبار
التسليه صارت وسيله وغايه

وان جا فلم كرتون للقطو والفار
نجلس نتابع قصته للنهايه

بالمدرسه نزعل على شان الاصفار
انتي سبب لعبك وانا من غبايه

ياما تهاوشنا على كيس فيشار
انحاش به وافرح بطردك ورايه

وان قلتي ياراشد ياويلك من النار
اخاف واستسلم وابين خطايه

والى ضربتيني تقل بيننا ثار
وان قلت كافي قلتي ماهو كفايه

والى خلصتي ضرب بيمين ويسار
اخذتي الفيشار واللي معايه

والى زعلت وقلت ابا اروح للدار
صحتي وقلتي اسفه يا غلايه

واصدقك وافرح بعد ذيك الاعذار
واجيك لا حاقد والا احمل وشايه

بس لو اشوفك مع بشرغيري اغار
لو كان اخوي أو من أعز اصدقايه

واركض لخوك اقول شفها مع اكبار
عشان يفرض لي عليك الوصايه

هذي طفولتنا براءه وتذكار
دايم نحن اليا ذكرنا البدايه

واليوم ابا اكتبها سواليف واشعار
وافكر انتجها بفلم وروايه


..

صح الله لسان القايل
ذائقه جميله

مرور عطر اخي مساحة قلم

الف شكر وتقدير ..

ابداع في الاختيار بارك الله فيك

زهرة ايلول

ننتظرجديدك القادم

سلطان والعذوب

م اجمل مروركم

الف شكر ولا خلا ..

احساس مرهف وجميل ايتها الزهرهـ

الله الله

صايره استعدب الشعر

خصوصا الشعر اللي فيه اجمل حكايه

حكايه عن طفوله وحب وعفاف

شكرا لك

ايلول

صح لسان قايلها

يازين يوم اني انا وانتي صغار
توما لبست شماغ وانتي عبايه


وانا اقول فين الحوكه من زمان
ياسلام على البوح العذب أحسن
من القراص في الحله واجمل من
الحوكه على المنكب يابنت من القايل
لايكون أنتي وتخفين عنا جمالك
موفقه والله يستر عليك وتقبلي تحيات
والدك الواصل وهذا ختام ردي العاشر
هههههه سحبوني وانا مالي نيه في
السحب في حفظ الله

مشهور وملكة
شكرا لمروركم الكريم ي اعزاء ..