القمرا ماجت على هوى الساري
أحبتي في الله
السلام عليكم ورحمة الله وبركاته الله يسعد مساكم بالخير والفرح والمسرات ويرزقني وإياكم من واسع فضله وأن يحسن لنا جميعاً القول والعمل انه قادر اللهم امين تعلمون أنه قبل ايام قليله وجدت شاب يتلوع من الهوى والحب ويشرب من ماء العين الزرقاء ولايروى ويردد في نفسه وعلى الملا أنه عاشق ويبحث عن القحم الواصل ليحل مشكلته مسيكين يامن تحب واحده وهي ماتحبك ولا تبغي طاريك ياقوم هل الواصل يحب الخير للناس ولا يفكر في اسعاد بناته وحفيدته ماشاء الله على الحفيده اصبحت عروس ولكنها ماتفكر في العرس حاولت اقنعها بولد الفاضل وطنبرت علي ويالله عساها ترضى دار بيني وبينها الحوار التالي ؟ الواصل : ياشجون تعالي ابيك دقيتين وروحي جات تجري وعندها علوم ولكنها ماقصرت جابت معها دلة قهوة وصحن رطب برحي فقلت لها ياحفيدتي الرجال يتلوى على نار الغرام ولازم نرد له خبر حتى لانكسب فيه أثم وش رايك ابغا ارد له خبر بنعم أو لا مع أن كلمة لا يمكن تكون فيها لفظ أنفاسه وش رايك ياشجون الأمل شجون الأمل : ياجدي الله يصلح ويطول لنا بعمرك أنت تعرف رايي في الزواج من زمان أنا قافله هذا الباب وماهو ذنبي أن يحبني كل من يراني اللي يحب لمجرد الرؤيه هذا فيه مايقال كيف له أن يطلبني للزواج بمجرد نظره على العين الله ياخذ عقله الحقيقه ياجدي عمتي الشكوى لله نصحتني نصيحه وقبلتها وحطيتها تاج على راسي قالت لي لاتقبلين فهذا المغرم لانعرف عنه شي وبعدين راح يبعدك عنا وماعاد نشوفك ويمكن يكلفك برعاية الغنم وحلبها وانتي معززه مكرمه معنا ورأيت أن كلامها عين العقل وشفها جايه من هناك وعباتها لها رفرفه اضنها عرفت أنك عندي حياها الله الشكوى لله : السلام عليكم يا أبي وانتي ياحفيدة والدي أنا رأيتكم وشميت ريحة الشاذليه وجيت جري حتى عباتي مسكت في عرفجه وانشقت لكن فدأ من أجل عيون شجون كل شي يهون وش عندكم مجتمعين قلنا نناقش أمر الخطبه وذاك المهوس في بنتنا وش رايك صاحت لالالالالا حتى لو كان اخر الرجال ما نرضى واصرف نظر ياقحم ولاعاد تجيب لنا من هالأشكال ولا تسمع كلام صاحبة الحوكه تبقى ترقص وتفرح على حساب القحم وبناته اشوفه من اول أمس وهي رايحه جايه عند الخياط والكوافير تقول زواج شجون قرب والحقيقه انا مسكت في اذنها اليمين وقلت لها لاعاد اذني تسمعك ترددين بين القوم هذه العباره وعيني لاتشوفك توطوطين حول شجون والقحم خلينا حبايب واخوات ولا تري اذنك هذي بمصعها من جنب صفحك سمعت ياوالدي ووصلك العلم روح قابل المفتون واقنعه يدور نصيبه عند غيرنا طبعاً انا سمعت الكلام وتأكدت أن بنتي هي اللي لحست مخ حفيدتي وانا الله يعينني اروح للرجال واتعذر منه الواصل : ركبت بغلتي الحنطيه ولبست لامتي الحربيه واهمها الفقوش وتوجهت وكأني الزير سالم متجهاً لقبيلة السنابك رأني الغلبان الذي سلب عقله فأنحدر كأنه جلمود صخر حطه السيل من علٍ واستقبلني هلا ومرحبا بالكريم ابن الكرام هلا بمن جاء من ديرة الحبايب الله اكبر حبك برص مابقي الا يشيلني على ظهره احتفاءن بمقدمي مما زاد الأمر تعقيداً في ذهن القحم وماذا يقدم من العذر بعد ماشفت التراحيب وشفت الطلي انسدح ودمه يفور يعني هذا العشاء المهم قلطنا في خير منزل وقدمت الضيافه كما هو متعارف عليه المهم سولفنا وعلمنا بعلومنا وقلت ياولدي أنت زين الشباب وكل البنات تتمناك ولكن بنتنا اللي فتنتك محرمه الزواج وكم حاولت معها وفشلت وأنت تعرف أن الزواج لابد أن يحكمه النصيب ولا يتم بالأكراه وهذي سنة الله في خلقه والحقيقه تلعثمت وتوقفت كلماتي وتاهت عن مخارجها ولكن لابد منها فنصيبك ماكتبه الله عندنا مع أن غالي ومن قوم كرام فالمعذره تعطى وتؤخذ لمثلك وشرواك رد ابوه وقال حللت اهلاً ووطأت سهلاً يالواصل وكل أمر ممكن أن يؤخذ فيه العلم ويرد ولكن الزواج قسمه ونصيب وأنت ماقصرت وقمت بما يجب عليك ونحن نعذر ونشكر فحياك الله وأنسى الأمر وسوف نبحث لولدنا عن عروس وأنت ومن تحب أول المعازيم فقلت له بارك فيكم وعساني ما أعدم الصناديد امثالكم والله يخلف عليك ويكثر خيركم عشوه ولا في الأحلام واستقبال حافل وكما يقال في اثالنا (الرقص من شان العباه) اللي يدور على تفسير المثل يمسك صاحبة الحوكه ولا المغزوله تحياتي للجميع وهذه نهاية قصة المتيم وليدة اللحظه وحصريه لهبوب الجنوب |
عفيه على شجونتي سمعت الكلام
وشكرا لوالدي على اخذه براينا وجميل ان الامور مشيت على مايرام ولا فيها علوم وحروب وسطو هههههه والدي الواصل كالعاده مبدع كعادتك ربي يحفظك وننتظر المزيد |
ويستمر هذا القلم بقصص عفوية عبقرية
تحمل الكثير من البساطة والتشويق والسرد القصصي الجميل كأنها مقاطع من فلم .. تسلسل احداثها بشكل مشوق وجذاب ولك كل الزين وتمت الاضافة |
حمدلله حل المسألة جدي كعادته وريحنا من عريس الغفلة والله يسعدك عمتو دائما رايك بمحله !! سلمت أناملك سرد قصصي رائع كعادة جدي الواصل حفظه الله ودي ووردي |
ليس الغرب أن نقراء ونشاهدونسمع للمبدع مثل الواصل اماالغريب اننا نشوف العنوان اقوى من الموضوع كامل نختصرالرد تحياتي وتقديري الشخصك الكريم |
شجون مالها في الطيب نصيب ههههه
كله من الشكوى مغششتها خطا جميل قلمك في سرد مثل هذه الاشياء تقبل مروري |
هههههههههههههههههههههههههه
طيب من العريس شكله سلطان الوفاء خخخخخخخخخخخخخخخخخ أشوفه مطنقر الله يستر لأتبند دعابه ترا ويا عيني علي الجد الديمقراطي موديل 2020 أخذ برايها والله الله يسعد الواصل قصصه سعاده بحد ذاتها |
مرحبآ بالواصل
أستاذ لايخفى علي حرفه وقلمه رائع أستاذ ي/ الواصل سعيدة بكوني معكم والاستمتاع بقلمك الجميل كن بخير ... |
اقتباس:
المشاركة الأصلية كتبت بواسطة الشكوى لله http://www.h-aljnoop.com/vb/mel-4/buttons/viewpost.gif عفيه على شجونتي سمعت الكلام وشكرا لوالدي على اخذه براينا وجميل ان الامور مشيت على مايرام ولا فيها علوم وحروب وسطو هههههه والدي الواصل كالعاده مبدع كعادتك ربي يحفظك وننتظر المزيد ههههه يعني أنتي قلبتي مخ البنيه كانت شبه موافقه الله يصلحك أثاري تاثيرك كبير وسحرك باتع الله يجزاك خير فكيتي البنت من عريس جبار الحمد لله جات مجمله تسلمي على المرور بارك الله فيك ولك الشكر |
اقتباس:
المشاركة الأصلية كتبت بواسطة عروبة وطن http://www.h-aljnoop.com/vb/mel-4/buttons/viewpost.gif ويستمر هذا القلم بقصص عفوية عبقرية تحمل الكثير من البساطة والتشويق والسرد القصصي الجميل كأنها مقاطع من فلم .. تسلسل احداثها بشكل مشوق وجذاب ولك كل الزين وتمت الاضافة عروبة وطن تسلمي وهذا المتوقع منك ياعروس المارات وبنتها الباره جزاك الله خير ولك الشكر على المرور والأعجاب تقبلي تحيات الواصل |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas