قصيدة الذكرى
 

http://www.h-aljnoop.com/vb/imgcache/243.imgcache.jpg




في غير الزمان

في نفس المكان

مرتني الذكرى واناواقف

في نفس المكان

في غير الزمان
************

ياما ضحكت أيام لكني بكيت

ياما حلمت أحلام لكني صحيت

ومنها ابتديت

وفيها انتهيت

إلا من الذكرى

في نفس المكان

في غير الزمان
************

قالت لي الذكرى كلام عني

كلام والله بغيت أنساه

وصاحت ربابة شوق واثر النغم مني

يشكي وأنا شكواه

وغنى صوت في ليله فرح

وهلت عين وقلب أنجرح

في صوتها جرح وتعب

وفي عيونها نظره عتب

وشفت ابتسامه منها عليها هلت الدمعة

ونظره ملامة من الماضي على ربعه

وأنا مع الذكرى

في نفس المكان

في غير الزمان
************

تعطيني الذكرى ولاتاخذ ابد

تحكي لي الذكرى ولاتسمع لاحد

وأنا عندي كلام ممنوع حتى عن الخاطر

لاياخذه أمسي ولا يقبله باكر

مااقدر أوضح غايم الصورة

ولاازود للمسا نوره

الله ياذكرى ياما فهمتيني خطا

ياما قدم رجلي على جمرك وطا

واليوم هيضيني هواك

اشكي ولا ادري وش بلاي

هو من شقاي اللي مضى

وإلا هناي

وأنا مع الذكرى

في نفس المكان

في غير الزمان


========---------========

من ابداعات

دايم السيــــــــــــــف

الاررررررررروع مرورك اخوي هادي

الاروع تواجدك هنا اخت ظل الياسمين

شـكــ وبارك الله فيك ـــرا لك ... لك مني أجمل تحية .