منتديات هبوب الجنوب - @^ سلام ياوقت بدت فيه دنياي ^@

منتديات هبوب الجنوب (http://www.h-aljnoop.com/vb/index.php)

- ۩۞۩ مرافئ كتابات الأعـضاء بأقلامهم ۩۞۩ (http://www.h-aljnoop.com/vb/forumdisplay.php?f=777)

- - @^ سلام ياوقت بدت فيه دنياي ^@ (http://www.h-aljnoop.com/vb/showthread.php?t=37027)

@^ سلام ياوقت بدت فيه دنياي ^@

بسم الله الرحمن الرحيم
السلام عليكم ورحمة الله وبركاته

اهلا وسهلا فيكم مع هذه القصيدة وللتي ارجو ان تنال رضاكم وترتقي لأذواقكم الراقية تحياتي

سلام ياوقت بدت فيه دنياي
ذيك السنين اللي بها البال رايق
ماكنت احسب حساب لايم وحكاي
ومانمت ليلة والفؤاد متضايق
وماكنت اسولف عن ردى الحظ شكاي
وماكان عايقني عن الضحك عايق
تمرني عجلات الأيام برضاي
ويسوقها عن لذة الوقت سايق
لذايذ عدت وانا اسابق خطاي
ماذقت حلوات الليالي الرقايق
ماكنت اظن اني بعود بممشاي
وتبين في عيني جميع الحقايق
كنت احسب ان البال للوقت نساي
وعن ماضي الأيام ماهوب فايق
اثر الزمن يكتب مع العمر ذكراي
ويسجل احداث العمر بالدقايق
من يوم شاف اني مخاوي لمركاي
قام وفتح عندي قديم الوثايق
شي دفنه الوقت بالروح جواي
من يوم شفته شب قلبي حرايق
قمت اتذكر والصور زادت بكاي
فيها الحنين اللي ملته الشهايق
زود الحسايف جابت ادناي واقصاي
واصبحت من عقب التحساف ضايق
على زمان راح ماعاد هو جاي
لوطاح فوق الأرض سبع الطبايق
لكن عزاي اصبر على حر بلواي
وادعي عساي اصبح على الصبر طايق

بقلمي
طاري الشوق
في 1440/10/23هجري

عبقري ماشاء الله عليك
عبقري شعر
عبقري أبيات ومعاني
مهما كتبت لن اوفيك حقك
ابعد الله عنك كل ضيق استاذنا الفاضل
استمتعت بالتواجد هنا .. ومازال في جعبتك الكثير

سبحان من عطاك الموهبة

لك كل الزين استاذنا
وتمت الاضافة

ولا عليك امر استاذنا .. لو امكن اختيار بعض الابيات لوضعها في مجلة المنتدى

اكون لك شاكرة

صح لسانك يا فاضل
ابيات جميله
راقيه
مميزه
وموزونه
زم بهذا التالق

على زمان راح ماعاد هو جاي
لوطاح فوق الأرض سبع الطبايق
لكن عزاي اصبر على حر بلواي
وادعي عساي اصبح على الصبر طايق

صح لسانك وعلا شانك
ابيات بالصميم
ماشاء الله تبارك الرحمن مبدع
يعطيك العافيه
وننتظر روعاتك الشعريه بشوق
احترامي

...

الله الله ماشاء الله
صح لسانك واعتلاءشانك
وش ذا الخرافة تبارك الله

..

وووووواصل مميز

عروبة وطن
صح بدنك على الحضورالمشرف والتواجد المميز واشكرلك اعجابك وروعة اشادتك وكل الشكروالتقديرلك على الاضافة تحياتي لشخصك الكريم

مساحة قلم
صح بدنك على الحضورالمشرف والتواجد المميز واشكرلك اعجابك وروعة اشادتك تحياتي لك

أبيات رائعة من شاعر رائع
صح لسانك طاري الشوق

اسيرة اقداري
صح بدنك على الحضورالمشرف والتواجد المميز واشكرلك اعجابك وروعة اشادتك تحياتي لك