|
الواصل وفارس البلقاء
أحبتي في الله
السلام عليكم ورحمة الله وبركاته الله يمسيكم بالخير والستر والعافيه ويجعل مسائي ومساءكم حافل بما يرضي الله عنا ويجعلني وغياكم ممن يقبل منه الصالح من القول والعمل قولوا أمين اللهم أمين ؟ الواصل من زمان ما سولف معكم وماتفقد أخبار بناته وأحفاده وأخوانه في هبوب الجنوب ولابد من الشطحات التي تعودتموها من القحم الأنيق صاحب البغله والترس والسيف والفقوش اليوم تاقت نفسي للخروج لغرض النزهه وان وجدت شي ينفع وكما يقال حج وحاجه ولكن في اثناء الطريق الذي يربط بين مملكة هبوب الجنوب ووادي شوقب الذي لي فيه أحباب ومانسيتهم تعثرت البغله وانكسرت يدها اليمين وماعاد منها فايده الا ان اجد من يرأف بها يجبر كسرها عطلتني عن مشواري ولكن رأيت فارس على فرس بلقاء تطوي الارض وتكاد تسابق الريح اقبلت نحوي ورايت العجب من فارسها الذي دار بيني وبينه هذا الحوار ؟ صاحب البلقاء : السلام عليكم ياعم وطاب مساءك بكل خير انت من أي البلاد وما أسم هذا المكان ومابال ركوبتك مكومه في الأرض عسى ماشر تكفى علمني عنما سألت عنه القحم : هلا ومرحبا ياصاحب البلقاء حياك الله أنا الواصل من هذه الديار والمكان اسمه وادي شوقب وهو من املاك مملكة هبوب الجنوب وبغلتي تعثرت وانكسرت يدها والشكوى لله ياطويل العمر لكن من تكون أنت وماحاجتك خيال البلقاء : انا صاهود ابن ملاحم شيخ قبيلة الصناديد ونسكن وادي العرفج شمالاً عنكم بحوالي مسيرة يوم ونص وانا كما ترى فارس وفرسي من سلالات نادره وتسوى ملاين وعندي من الحلال مايكفي قبيله وعمري لم يبلغ الثلاثين ومرشح لشياخة القبيله وعندي فرسان كالصقور وكل القبائل من حولنا تخشانا واما لماذا أتيت وما اريده فانا قبل ايام مريت من هنا ووجدت مزرعه مكتوب عليها لوحه ملك خاص لملكة العجول والخبيش واشتريت عجل بالفين ريال وياله من عجل لااستطيع وصفه من جماله وروعته سألت من كان في المزرعه عن الملكه وكيف اطلقت على نفسها ملكة العجول فقال هي في سفر وستاتي بعد اسبوع ولهذا جيت ياعمي القحم : مرحبا مليون وصلت يافارس الصناديد المزرعه لأبنتي ويسكن فيها أيضاً احدى بناتي هيا لنذهب للمزرعه ونرى الملكه ونشوف الزول بشار يمكن يقدر يعالج بغلتي ذهبنا وعند وصلنا للمزرعه وجدنا الدينا تنزل حمولتها في 15 عجل وتوها واصله من محايل عسير واذا بالملكه تنزل من الهمر التفاحي وكانها بالفعل ملكه الفارس شافها وانحلت صواميله واصبح يرتعش ياعم هذي بنتك المسماه زهرة ايلول قلت نعم قال انا عند الله وعندك اريدها زوجه لي على سنة الله ورسوله تكفى لاتردني وانا جاهز لكل ماتريدون وتغير شكل الفارس وكاد يسقط ارضاً الله اعلم وش اللي حصل له زهرة ايلول : هلا ومرحبا بوالدي حياك الله نور الوادي وكل ماحوله بطلتك من زمان من سكنت بنتك الشكوى لله ماعاد شفناك عسى في الأمر خير اقلط حياك الله ومن هذا الفارس معك قلت اسكتي يازهرة هذا جاي وطمعان في القرب منا يريدك على سنة الله ورسوله انتفض الفارس وكانه فاق من غيبوبه مرحبا يابنت الكرام ياصاحبة المقام وأروع الحسلان كأن البنت خجلت هل هذا بالفعل خجل البنات ولا موافقه مبدئيه سنرى مانحن فيه القحم : يابنتي هذا شيخ ولد شيخ فكري واستخيري واعطيني خبر لن ابت في الأمر حتى اسمع منك وسأعتذر منه بضعة ايام للمشوره ومن ثم نعيد له الخبر أي كان نوعه الشكوى لله : طلعت من البلكونه وتصيح القهوة يابوي جاهزه والماء القراح اقلط انت ومن معك ومليون مرحبا الله الفارس استعاد وعيه وقال ياعم هذه كمان بنتك قلت نعم قال فين انا عنكم من زمان أذا ماقبلت الملكه زهره فأعطني الشكوى لله ان كنت تحبني وتخشى علي من الضياع قلت يارجل بناتي مؤدبات وهذي غير تلك هذي الكبيره ومرتبطه وزهرة نحن حولها وسأرد لك الخبر عما قريب ووكل الله وتوكل وفارقني خلني اجلس مع بناتي شوي ونتشاور في امور عده هههههه ودعنا وذهب وكأنه مقيد في وادي شوقب القحم : لبى الندأ وتوجه للبلكونه ووجدت القهوة والعلوم الغانمه كريمه يابنت القحم وش رايك في هذا الفارس الذي جاء خاطباً لزهرة نقبله ولا نرفضه تكفين الرجال مايفوت جمال ومال وشياخه وفروسيه وهذا الزوج الذي كما يقولون لقطه شوفي راي اختك زهرة وتدارسي معها الأمر وردو لي خبر علشان اعرف اتصرف وارد من الفارس وابشره واملي عليه شروطنا وعسى الله يتمم بخير سيكون الجزء الثاني بعد رؤية الردود ان اعجبتني كملت وان لم تعجب احجمت لكم من وافر المحبه والتقدير الواصل تذكير بقانون قص البراطم ياليت العروس تزعل على شان تودع براطمها الله لايقوله وليدة اللحظه وحصريه لهبوب الجنوب |
وعليكم السلام ورحمة الله وبركاته
واسعد الله مساءك وكل اوقاتك ي ابتاه والله سرد بمنتهى الروعة يسلم فكرك وتسلملنا كلك .. واذا فضيت بدخل جو مع قصة الملكة الي اذهبت عقل الفارس ههههههه آويله مني ليسى ماشاف شي .. تحراني يبه .. والعريس اقضبه عندك لايفلت من يدك الين يسمع شروطي ههههههه |
كبرت يبه وليسع ماتزوجت والسبه
جمالي ومالي وشروطي الغير معقوله انا يبغالي زوج مفصل تفصيل على المقاس الي يناسبني والى الان ماحصلته / اخرطي لاتصدقوها .. المهم يابابا تعرف شكثر كنت احب ابن خالتي وتعرف وشكثر آسرته بجمالي / صار عمره 40 وهو منتظرني وشروطي اعجزته ومو قادر يوفيها / قلت اقعد مكانك لمن تهرم ماهو شغلي طالما منت قادر تنفذ الشروط معناته ماتحبني وكل الي معلقك فيني مالي وحلالي ،، تيرا رم ههههههه ويابابا لو كنت واثق من فارس بني عدوان والا لا توهقني فيه اخاف انه يضحك علي ويوافق على شروطي وهو كذوب ولا عنده الا ماعند جدتي ...ههههههه يرضى لي عليك يابابا القحم من الحين علمه ان عندي عشره شروط شبه تعجيزيه فلو كان بيقدر ينفذها بحذافيرها والا يولي مثل ماولوا الي قبله .... |
ياويل حالي يازهره على ايش شايفه حالك يا اختي
ياخوفي تعنسي وتجلسي كم حلالك وتغني ياليل ماطولك وافقي وانا اختك من شكله فارس ورجال قد كلمته قولي شروطك وانا متاكده انه راح يجبك لبن العصفور والنمل ويش تبين اكتر من كذا >>>> شكلي حشتغل خطابه هههههههههههههه بابا الواصل قلي اكلمك واعرف رايك وشروطك دزي شروطك هنا والله يعينه هالفارس اللي امه داعيه عليه قصدي امه راضيه عليه لمن شافك يا اختي حبيبتي |
يوضع بالتنبيهات مع احترامي وتقديري
|
هههههههههه
خليني اعنس ياخيتي ولا يجيني واحدن مجرم يضحك بعقلي ويكوش على ممتلاكاتي ويقضي على جمالي وعنفوان شبابي اتركك من هالفارس الطماع وابوي بعد يبي يرميني ويتخلص مني تهي تهي تهي ) بتعيط وانتي بعد تطبلي معاه اهي اهي اهي / تعيط بقوه اكيد هالفارس بيعطيكم شي كبير مقابل موافقتي تحسبوني حسيله من حسلاني تبيعون وتشترون فيني ) عياط بصوت عااالي مره من اليوم ماني جالسه معكم الحمدلله ان بابا سلمان عطانا كل شي ونقدر نتصرف من حالنا خلاص اتركوني بحالي معد ابي منكم شي الحين بروح اشتريلي سيارة وفيلا واسكن بروحي واعيش عيشة ملوك بلا زواج بلا هم ...... بطلت ولعد عند شروط ولا قيود بعيش حرة نفسي هههههههه |
ياسلام سخن الموضوع
وحليت القصه بس اسمحوا لي حتى الغد حتى استعيد نشاطي وارد على بناتي والله يجيب اللي فيه الخير هههههههه ضحكه الكترونيه ليس تكرونيه |
اسعد الله مساكم وصباحكم وكل اوقاتكم اخباركم خطبة واستشارات وحركات بدون علمي هذي بها قبايل ياجدي ::6951::وعماتي بعد مخبين علي مانادولي :01)( (3): كنت ودي ارقص سامري ::18.gif:: شكل عمتو زهرة سحبت عليه :: u:1 :: يا جدي لاتضغطون عليها خلوها براحتها |
من روائع قلمك الذي لا يجف
قلم مليء بالاثارة والحبكة الدرامية اعجابي وتقييمي لهذا الجمال |
هلا بالحفيده الغالية
فين كنتي مختفية ترى بتنجلدي على هالغياب ومايصلح نقلك بعدك صغيره هس ولا كلمة ههههههههه يابنيتي الحبوبه جدك الواصل عقله مفرمت ومايصدق بطواري الخطوبات والنكح ههههههههههه ويبغى يزقيني في جهنم قال فارس البلقان يتزوج راعية الحسلان تراني بطلت من هالحسلان والتبعان وفتحت محل ورد وانتهينا وزواج بهالطريقة ماااا ابي .. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas