|
مسكين يامن تعلق في هوى ابنيه
أحبتي في الله السلام عليكم ورحمة الله وبركاته امسي عليكم بالخير والسرور وسمح الأمور والله يسعد كل أوقاتكم بما يحبه الله ويرضاه رديت السلام والقيت المساء ولم يبقى الا الكلام (الله يعين المعنا على مافيه) اليوم هو الأربعاء من ذو القعده من عام 1440هـ وجاكم محبكم الواصل وفي جعبتة خبر وعساه يكون خبر خير المهم الله يعينكم على هذا القحم الذي كل يوم له راي وشان أخر اليوم كان برنامجي مختلف فكرت أركب المحجله الدهماء العائده لبنتي الشكوى لله وأخرج في نزهه لوادي الكعامير لأن لي أصحاب هناك من زمان وأحب أزورهم وأخذ بهم عهد المهم ركبت فرسي الدهماء وخرجت حتى وصلت رابيه جنوب هبوب الجنوب وسمعت ونين وحنين وبعض الأبيات التي فيها شجن وحنين وأضنها من قلب متيم ومفتون ؟ مسكين يامن وقع في الحب والله يعينه أنا متيم وقلبي فيه مالحزن مايكـــــفيه وقعت في حب مزيونه والوعي مني غاب تكفون ياناس خلـــــوكم مع المفتــــــون وقعت في عشق طايـــــر دون مايدرون سألت قالـــــوا لي الواصل أبو الفاتنـــه الله يعينك تــــــدور للقـــحم يرضــــــيك وانا المتيم وقلــبي صار مفتـــــــونـــــي سمعت هذه الأرجوزه وأقتربت من هذا الغلبان العاشق الذي وقع وماحد سمى عليه رديت عليه السلام وقال عليك السلام يامن فتني وأصاب قلبي بسهم ماله دواء قلت هدي يابطل أنت من تقصد لايكون تتغزل في وأنا مدري أنا قحم وما تركب علي العلوم ولست نداً لك علشان تتغزل في قال أسف ياعمي أهلاً بك يالواصل على عيني وراسي وماعاش من يتغزل في عمه بس لاتلومني أنا رأيت فاتنه عند العين وهي تملي قربتها وأصابتني وأضنها أصابه بالغه والخلاص منها صعب الا أن يكون الله معي ثم يرحمني الواصل قلت خير ياولدي من أنت ولماذا تنتظر من الواصل أن يساعدك قال يعم خذ قصتي وأفهم مافي قلبي قلت أسمعني وأطربني قال تلك الفاتنه التي قابلتها على عين الماء في وادي اليمامه الزرقاء كانت قد خطفت قلبي بنظره وذهب عقلي في جوله بين عين الماء والديار وعند سؤالي لها قالت أنا شجون الأمل وانا بنت أبوي وجدي هو الواصل هل فهمت يامن أتيت للعين أذهب قبل أن يراك جدي وأخواني وتصبح معهم في مشكله كبيره قلت طيب كلمه أخيره هل أجد جدك في هبوب الجنوب قالت دور ومن يسأل مايتوه ودعتني وأنصرفت وأنا من يومها وانا كما ترى لانوم ولا ماء ولازاد وقلبي في شقاء قلت له لاتخاف أنا الواصل ولكن أنت من تكون ضحك ههههههه حتى أغمي عليه رشيته بالماء أفاق قال هلا ومرحبا ياعمي أنا من قبيلة السنابك الرماديه وأنا زين الأوصاف كما ترى وأسمي (شرف المناضل) وأبن شيخ ومرشح للشياخه واطلب المهر اللي تريد قلت طيب أعطني فرصه أشوف وش يمكن أعمل وأساعدك وأن الله كتب لك نصيب ستراه وخلني أخذ راي البنت وأجس نبضها الحقيقه أنت كما يتضح لي شاب طيب ويمكن ما أنت من الشباب اللعوب واللي يضحكون على بنات الناس وأبشر أعطني كم يوم وارد لك الخبر والله يتتم بخير المهم ودعته وواصلة رحلتي لوادي الكعامير والمتيم رجع للديار وهو يضحك ويكلم نفسه مدري فرحه ولا أنهبل اترككم مع بقية القصه أن وافقت العروس ووليها وبارك نجوم الهبوب الموضوع وشفت موافقتهم كملنا ولا أنتقلنا لقناه أخرى وللجميع تحياتي محبكم القحم الواصل |
انا لااحب اعلق على كلام المبدع ولكن احب اتمعن فيما يطرح امام الاعضاء وانت ياالواصل شخصيه احببناك فالله وحببنا ماتمتعنا به من مواضيع لها شان كبير بارك الله فيك وزادك من الخير ومن العلم درجات رفيعه اخوك سلطان |
الحب من نظره وراح فيها المسكين
ويش سويتي فيه شجون عاد لازم توافقي هههه والدي الواصل ننتظر بقيه القصه رغم بتخيل فيها صعوبات ومغامرات من شان هالزواج تتم ربي يخليك ويطول لينا بعمرك يا أنيق الحرف تحاياي العذبة لروحك الطاهرة |
ابتسامه ارتسمت علي وجهي وانا اقرا
يا عبني يا شجون ... من الهائم الولهان اهم شي الدين والاخلاق وادا ربي تمم علي خير ..... الميك اب علي من سيفورا والصاله عاي الوافي وعروبة وطن عليها تصميم الصاله وطارى الشوق يكتب فيكم قصيده وصولا وتهويده يحييون الفرح اشتقت لقصصك الممتعه وفال خير لشجون |
يسعد صباحك جدي الغالي احترت بالرد ومن هذا المسكين اللي تعلق
بشجون وهي ماتدري من وانت تعرف انك قدوتها وتمون عليها بكل شي من جد مادري شنو أقول الموضوع يبي له تفكير |
اقتباس:
المشاركة الأصلية كتبت بواسطة سلطان الوفاء http://www.h-aljnoop.com/vb/mel-4/buttons/viewpost.gif انا لااحب اعلق على كلام المبدع ولكن احب اتمعن فيما يطرح امام الاعضاء وانت ياالواصل شخصيه احببناك فالله وحببنا ماتمتعنا به من مواضيع لها شان كبير بارك الله فيك وزادك من الخير ومن العلم درجات رفيعه اخوك سلطان نعم انت أخي في الله والله يشهد ان المحبه في الله لايعادلها أي محبه بارك الله فيك اخجلتني والله بكلماتك الراقيه ياسلطان الوفا أسم على مسمى ربي يحفظك وهذا من ذوقك الرفيع الله يرفع قدرك ومقامك وتقبل تحيات محبك أبو أحمد |
اقتباس:
المشاركة الأصلية كتبت بواسطة الشكوى لله http://www.h-aljnoop.com/vb/mel-4/buttons/viewpost.gif الحب من نظره وراح فيها المسكين ويش سويتي فيه شجون عاد لازم توافقي هههه والدي الواصل ننتظر بقيه القصه رغم بتخيل فيها صعوبات ومغامرات من شان هالزواج تتم ربي يخليك ويطول لينا بعمرك يا أنيق الحرف تحاياي العذبة لروحك الطاهرة الشكوى لله هلا ومرحبا بصاحبة الدهماء نورتي وسرني وجودك الله يحفظك ياعمة شجون كاني ارى في صوتك نبرة اعتراض على الخاطب واسمه التحفه اذا وافقت العروس غيرنا اسمه عندي واسطه في الأحوال وسنسميه ياسر المناضل ههههه وش رايك ننتضر راي شجون مع أني انا متردد لكن يعود الشان لها وانا علي اهديها ثلاثه قعدان والله يتمم بخير والله مدري يمكن اتراجع لك الشكر على المرور والتعليق |
اقتباس:
المشاركة الأصلية كتبت بواسطة لافندر http://www.h-aljnoop.com/vb/mel-4/buttons/viewpost.gif ابتسامه ارتسمت علي وجهي وانا اقرا يا عبني يا شجون ... من الهائم الولهان اهم شي الدين والاخلاق وادا ربي تمم علي خير ..... الميك اب علي من سيفورا والصاله عاي الوافي وعروبة وطن عليها تصميم الصاله وطارى الشوق يكتب فيكم قصيده وصولا وتهويده يحييون الفرح اشتقت لقصصك الممتعه وفال خير لشجون مرحبا مليار يا لافندر تسلمي على الحضور وتعطير متصفح الواصل ربي يحفظك ويوفقك في الدارين كريمه ودائماً سباقه بالمعروف والفال الحسن لك الشكر على ماتنوين تقديمه وعلى توزيع المهام والمسئوليات وهذا من الكرم الذي جبلتي عليه لكن ياطويلة العمر باقي في الأمر مشوره واحس أن المتيم سيكتفي بلحس كوعه حفيدتي حتى الأن غرقانه في التفكير وانا ودي اخلص من الوعد الذي وعدته ان اذبح ثلاثه قعدان عسى الله يتمم بخير ولكن مايمنع ان اجزل لك الشكر على جمال الحرف والهمه العاليه |
اقتباس:
المشاركة الأصلية كتبت بواسطة شجون الأمل http://www.h-aljnoop.com/vb/mel-4/buttons/viewpost.gif يسعد صباحك جدي الغالي احترت بالرد ومن هذا المسكين اللي تعلق بشجون وهي ماتدري من وانت تعرف انك قدوتها وتمون عليها بكل شي من جد مادري شنو أقول الموضوع يبي له تفكير هلا وغلا بحفيدتي المزيونه ياسلام عليك وعلى حرفك الندي حفيدتي لا تخجلي وتعرفين أن جدك يهمه مصلحتك في المقام الأول أن كان تفكيرك يقودك الى الرفض فلا تشيلين هم وعسى المفتون تنفقع مرارته قبل أن يراك انا في أنتضار ردك وأعلم أن لك من الدهاء الشي الكثير ومن الحنكه ما يعجز عنه الدهاه ومحبتك لجدك لاتكون عائقاً أنتي بالأشاره وانا رهنها حتى لو أمرتي على ذبح المتيم انا جاهز وأن تمت الموافقه فأبشري باحلا رقصه من جدك وثلاثه قعدان تتسدح على الصحون واضنك ستوافقين من أجل ترضين الكل في هبوب الجنوب لكونهم من زمان عن الأفراح والليالي الملاح واللي تريدينه انا معك ودمت في خير |
شجون وانا عمتك انا اعترض على هالخطبه
بصراحه اسمه مو عاجبني حتى لو غيره والدي لياسر المناضل وع شو هالاسم من الاسم واضح انه خايس واسمعي كلامي الرجال ما يصلح لك واذا وافقتي انا حوقف بيناتكم وحفركش هالزواج لقد اعذر من انذر لاوالدي ولا رجال القبيله يوقفون في وجهي |
اكتبوا الكتاب وعلوا الجواب
ويابخت من جمع راسين بالحلال . مبرووك مقدمآ شجونه مبدع مبدع ابتي الواصل ننتظر كروت الدعوة لحضور مراسيم الفرح . |
لا انا من راي عمتي معها بالرد هي تعرف اكيد انه مو بمصلحتي
هالزواج حتى لو يغير الاسم مايتغير الطبع لبى عمتو اللي حريصة علي مانحرم ولايهون جدو وزهرة أيلول الغلا تبي فرح وزينه بنزوجها إياه شرايك جدو هههههههههههههههههه |
زهرة ايلول
صاحبة اجمل حوكه في هبوب الجنوب اضنك ماصدقتي تبغين الفكه من حفيدتي وشفتي رايها هي ماهي موافقه أن كان لك رغبه في ولد المناظل توكلنا على الله وخلينا نرقص ونفرح والتوالي لها والي الأن حفيدتي وعمتها الشكوى لله رافضات فكرة الزواج والأعتراض ليس على الأسم بل على الزواج اصلاً فدوري لك قاعة افراح يكون فيها فرح وادخلي مفرعه وارقصي حتى تتعبين وانتهت الهكبه تحياتي لسموك |
حفيدتي شجون
ياسلام عليك وعلى عمتك واحده تثبت والثانيه تشوت يعني خلاص افركش الخطبه واعتذر من الرجال الفارس المغوار وماله اسمعي كلام عمتك خليها تنفعك اذا مرك القطار وسافر ياعيني على الأموره التي تعمل حساب لراي عمتها خلاص ولا يهمك باحاول ادفه على زهرة أن كان وافقت هههههه ولا يدور له مروه ويضرب براسه فيها الين يطلع كل مافي راسه من حب وخرابيط مشكوره على العوده وقد اقنعتيني بارك الله فيك وتقبلي تحيات جدك واحترامه |
شجونتنا وقحمنا المبجل
يحرم عليه يكون حليلي وهو مغروم بشجونه ههههه القلب ومايهوى ،، اتقوا الله فيه ترى الحب بلا والعشق سم قاتلا .. فديتكم م اطيب ارواحكم .. |
حرام بباه الواصل تسمي الحب خرابيط هًـهـه
|
هههه زهرة ايلول
هلا بصاحبة الكلام الجميل والمشاعر الجياشه حرمتي مايكون حليلك ونحن حرمنا مايكون حليل شجونه من اللي قاله يحب وهو مايدري من نحن ومن هو ولد المناضل خليه علشان يتوب مايحب بلا وعي ولا احساس ياسلام عليك وعلى العوده التي افرح لها اذا شفتها ولو كان معها طبيخة دجر كان احطك فوق راسي من فوق امس كنت حولكم في منتزه القمع وطبخنا غدانا وشربنا القهوة والشاهي تحت العرعره والغربان فوقنا لها جلبه وبغينا نزور اصحاب لي في بني جره وقذانه وابت الكهله هههههه ربي يحفظك ويوفقك وزواج خلاص مافيه |
ياربي قربت مرره منٓا
بس المشكلة ماني في الديرة ولا كان عزمتك انت والكهلة وفرجتكم على وادينا ومزارعنا واهم شي التين والحماط شي شي يهول .. نرجع لصلب الموضوع انا ضد النكد والنكديه والي يوقفوا بوجه الريح ان كان المناضل رجالن فيه خير ومن بيت ضارب لا تفوته حفيدتك وتكبها من الدلع والتطنز مقطها لين تشبع وتوافق ماعندنا بنات تقول لا هههههه |
اقول
الحين اخر شي في حفلة وزواج ودعوة حضور ولا اسير سينما اشوف لي فيلم رومانسي |
ههههه كويس انا مالقيناك
كان خلينا تفقشين لنا تين وتلقطين لنا حماط وأن كان عندكم بير تسقينا من الدلو ماء قراح ياعيني ياعيني اضنك قريبه من وادي الملد المهم الله يبارك فيك ماعندنا بنات نجبرها على الزواج وبعدين انتي لو شفتي ولد المناضل مثل ماشفته يمكن تشردين بلا زنوبه من الخرعه عملاق كانه من بني هلال وحفيدتي مسكينه وزنها مايتعدى 60 يمكن في وزنك اقول اصرفي نظر عن الموضوع حفيدتي من أمس ومعها نفاضه من الخوف لاعاد تجيبن لها طاري ثم تثور عليك عمتها وتعطيك ماتستحقين ماتعرفين الشكوى لله اذا خنفرت ماتعرف أحد فتحاشيها وعيشي معنا في هبوب ربي يحفظك |
اقتباس:
المشاركة الأصلية كتبت بواسطة عروبة وطن http://www.h-aljnoop.com/vb/mel-4/buttons/viewpost.gif اقول الحين اخر شي في حفلة وزواج ودعوة حضور ولا اسير سينما اشوف لي فيلم رومانسي عروبة وطن يابنت الكرام مافيه عرس الله يسهل لك روحي وفليها على كيفك لاتسمعين كلام هذي المجرمة زهرة ايلول كان مشروع فرح ولكن ماوفق الله وانا مااجبر حفيدتي وعمتها في يدها سوط الله لايبلانا روحي دوري الفلم اللي يعجبك واعطينا بعدين اخباره وما حدث فيه لك الشكر على روعة الحضور ربي يحفظك وتقبلي تحياتي |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas