منتديات هبوب الجنوب - والله إني تــاركٍ غـــيرك وجيتـــــــك

منتديات هبوب الجنوب (http://www.h-aljnoop.com/vb/index.php)

- ۩۞۩ هبوب الشعر وهمس القوافي ۩۞۩ (http://www.h-aljnoop.com/vb/forumdisplay.php?f=14)

- - والله إني تــاركٍ غـــيرك وجيتـــــــك (http://www.h-aljnoop.com/vb/showthread.php?t=11170)

والله إني تــاركٍ غـــيرك وجيتـــــــك

ليه اذا حبيتك أكثـــر زدت قســــوه ؟؟

وإن دريت بحاجتي لك زدت جفــــــوه

وإن عطيتك مـــــن حياتي ما تريـــــده

ماكفاك .... وتحسب إن الحب نــــزوه

والله إني يا أحـــب النـــاس أحبـــــك

والله ان الروح لو ترضيك... فـــــــدوه

والله إني تــاركٍ غـــيرك وجيتـــــــك

مزعل الزعلان ... والعذال عنــــــــــوه

وكــل هـــاجس ما يجيب إلا خــــيالك

سلوتي بالعمر ... في صحوه وغفــــوه

أجمع إحساسي وأشواقي وأجيلــــك

وألبس ثياب الهوى والعشق كســـــوه

وأنتقي لك من سواليفي حسنــــها

والقصايد مـــــن غزلها كــل... حـــــــروه

وأنثر العبرات والضحكات عندك

او أقول إني أحق الناس... فضـــــوه

أدري إني عادي مافيـه... مــيـــزه

وأدري إني كادح مـاحـــاش ... كــــــــروه

وأدري إني في خريف العمر ماضي

مابقى بيــــني وبين القـــــبر... خطــــــوه

لكن إني صـــادقٍ في... ما أقولـــه

وأطلب من الله عــن الزلات عفــــــــــــوه