|
الحاقاً لما سبق
أحبتي في الله
السلام عليكم ورحمة الله وبركاته الله يمسيكم بالخير والرضا والستر والعافيه هو المساء والجو حار ورطوبه ونحن في أحضان العروس نتقلب ونتصلق امس غبار وزخات من المطر واليوم رطوبه تقطر قطره مالكم بطول السالفه اليوم القحم فاضي وخلوه يثرثر ويبلبل حتى يتعب هههههه لكم وافر الود وارق التحايا ياحبايب الواصل تذكرون قصة الفارس الذي جاء على فرسه البلقاء وكان طمعان في بنتي زهره اضن مانسيتم احداث القصه اليوم أحب انهي الحدث وما حصل فيه من تغيرات اضن أغلبكم شغوف بمعرفة ماحصل بيني وبين الفارس وما دار بيني وبين بنتي الله يصلحها طيرت عريس فلتة زمانه هيا تعالوا وشوفوا ولا تلوموني ياعرب القحم : ذهبت لمقابلة ولد الشيخ اللي كان متيم ومعفوس من يوم شاف بنتي نازله من الهمر هذا وهو ماشاف الا خيالها كيف لو شافها يمكن يكون الأن ضايع العقل ومشتت الفكر مدري هو أعجاب بها ولا كانت عينه على الهمر التفاحي طبعاً أستقبلني خير استقبال وأنزلني خير منزل يفكر اخباري تسره ومايدري وش في جعبتي من خبر الفارس العليل : ياعم مرحبا مليون في منزلي الذي تشرف بطلتك وربما معك شي من اخبار وريحة الحبايب هلا والله ومرحبا بالقادم نورت وادي العرفج والكل مسور لرؤيتك بشرني عسى الأمور تبشر بخير وعساك أن شاء الله بشير خير بشارتك جاهزه ولا تطلع الا بها وانا اذا قلت فعلت وانت عمي وتاج راسي ياقحم بقعاء القحم : ياولدي والله ماكان ودي اجيك بأخبار ماتسرك ولكن انا عملت جهدي ولم اترك منه شي لكن وجدت الصعاب في أقناع فاتنتك الله يعوضك بأحسن منها الا أن كنت قادر على شروطها فالله يعينك مع أني متأكد انها ماشرطت عشره شروط كل شرط ادهى من أخوه الا قصدها تطردك وهذا علمي وسلامتك ياشيخ صاهود وفارس الصناديد تنهد الفارس : وكادت تخرج روحه من الجسد عندما عرف الشروط وما تعنيه ياعم هذي شروط بالفعل يعجز عنها حكام الصين وبنقلاديش والهند وانا وش اللي بلاني ببنتك الله لايبلانا لو جمعت قبيلتي كلها رجال ونساء مايجيبون حق الشبكه ولا وش رايك ياعم الله احرمك من البشاره اللي كنت مجهزها لك مالك فيها نصيب خد هذي اربعه تيوس بدل تعبك والرزق على الله لأني اعرف أنك تحب التيوس اللبنيه من أجل الحنيذ وانا الله يعوضني في نظرتي تلك بالخير قول امين ياعم القحم : اخذت التيوس الأربعه ورجعت للديار وانا اهوجس وش كان بيعطيني لو وافقت بنتي قمت اضربها أخماس بأسداس مره اقول سياره ومره اقول 10 نياق من المغاتير ومره أقول قطعة ارض سكنيه ويبني لي فيها بيت الله أعلم المهم ما انحرمت من اللذائذ وتيوس من وادي العرفج تسوى الف تيس من جيبوتي هههههه المهم سمعت بنتي بعودي وجات تجري وحوكتها لها رفرفه من شدة الجري ماشاء الله عليها رياضيه وفرحانه يوم شافت معي التيوس اضنها طمعانه في لحمة الراس والكتف ههههههه زهرة ايلول : يابوي بشر عسى المتيم وافق على شروطي أتجهز ولا رفض علشان استخير الله وانتبه لمزرعتي التي ناويه اقلبها حديقه غنا تجمع كل الورود والزهور الفواحه وبعض الأشجار المثمره وناويه اجعلها تحفه من التحف التي يتحدث عنها الركبان وعابري السبيل ويغار منها أصحاب الحدائق التي تبيع وتصدر الورد بأنواعه والذ وأحلا نوع من الحماط والسفرجل والكومثراء والبرقوق انا شايفه في وجهك تعابير ماهي مطمنه قل عساه ماوافق المهم أنت لاتتكدر ولا تأسف عليه وانا خلاص شلت فكرة الزواج من راسي وخلني اتفرغ للورد ولمن يعشق الورد صحيح انا في شي من التمرد لكن لولا هذه الشروط كان نشب في حلقي القحم : طموحك اكبر منك يازهره طيب والحلال والحسلان والحمام والبط والوز وش تسوين فيه ولا ستقيمين المزاد عليه لأني حسب ما اعرف عندك اعداد مهوله من الطيور اما الحسلان والخبيش عندي زبون بياخذ المجموعه ومعها الدينا المصديه ودفع قيمه طيبه 40000 الف ريال وتوكلي على الله وخليك مع الورد ومشتقاته يازهره لأن الرابط بينك وبينها الأسم ياعيني على زهره وهي واقفه بين الزهور وعبق العطور وبكذا انتهينا من الفارس وحلمه ورجعنا لملكة العجول بأخباره ورفضه وعرفنا منها أنها ستترك الكار كله وتتحول الى بائعة زهور وجوري ونرجس ياسلام على هذي البنت التي أفكارها تجاريه بحته وما الومها العرق دساس استودعكم الله الذي لاتضيع ودائعه ودمتم سالمين وليدة اللحظه وحصريه لهبوب الجنوب |
يوضع بالتنبيهات وتستاهل كل زين بابا
وليه عوده بما يليق |
يعني نقول بالمبارك عليها
منه المال ومنه العيال وعليك سعيد .. وعليك سعيد ومبارك ولا اله الا الله < تغني للعروس |
ميرو صوتج مب لين وين
الحين الطقاقات اتفقتو معاهن ولا باقي وحددوا لنا موعد العرس ، ابي اصمم فستان يليق بالمناسبة ماشاء الله عليك ابوي الواصل مبدع في سرد احداث القصة |
لي عودة مفصلة تليق بوالدي كبير المقام ومتابعينا الكرام ..
.. |
يبدو ان الشرط كان.. قاسيا جدا على العاشق
بل وكان تعجيزي ولكن....تذكرني هذه القصه بتلك الفاتنه من بلاد واق الواق والتي اشترطت من ذلك الفارس ان يكون مهرها مقتل الوحش ذو الثلاثه رؤوس اجدت في طرحك يا راقي |
يافرحة ماتمت اخذها الغراب وطاار
مالت عليه وعلى تيوسه وجعله برتحة ولا نطحه منها هههههه كان جيت مزرعتي وطبيت وتخيرت .. هو الزواج بالعافية الزواج تكافؤ بكل شي حتى في الشكل انا جميلة الجميلات وست الحسنوات وهو واحد خرعه ،، شفته يوما كان يقنصني ويرمقني بنظراته المخيفه وشواربه النافره وحواجبه الي كنٌها لحية شايب هههههههههه استغفر الله .. الحمد لله ربي فكني منه هالمنتف .. كنت اقول في نفسي يمكن يبيع الي قدامه والي وراه ويتدين من رجال القبيله كلهم ويروح بعد المدينه ان كان يعرف تجار هناك يتسلف منهم علشان يغطي تكاليف شروطي وزواجي .. اثاريه كان واحد عيونه زايغه ويبي يضحك علينا ومسوي فيها علوم رجال مايدري اني بنت الواصل ومن بيت ضارب حسب ونسب ، جمال وكمال وكل نعم ربي عندنا ومنا وفينا نحمده ونشكره الحين وكل حين ،. عشان تعرفون ليش للحين ماتزوجت رغم ماحباني الله به من نعمة الجمال وساضل متمسكه بهذه الشروط كي اطير بها عرسان الغفله وحين ياتي من يدق له القلب وتتوق له الروح لن يكون هناك شروط ولا قيود .... ساقبل حتى لوكان ماحيلته الا سروال وفلينه هههههههههه من سويداء قلبي اشكرك ي ابي وكم انا فخورة بك ي تاج راسي ومحزمي وقت الشدايد والمزرعة انت من سيقص شريط الافتتاح واهم شي نكثر من شجر المنقو والخوخ والعنب /عشني احبهم .. وطبعا اهم شي كل انواح الورود والزهور .. .. |
كفو عليك عمتو زهرة ماشاء الله طيرتيه ههههههههههههههههه احسن اللي مايقدر على شروطك مايلزمنا وان شاء الله يجيك اللي يستاهلك جدو الله يسعدك ابدعت بكل حرف لله درك ربي لايحرمن منك ياااااااااااااااارب |
اقتباس:
المشاركة الأصلية كتبت بواسطة ميرندا http://www.h-aljnoop.com/vb/mel-4/buttons/viewpost.gif يعني نقول بالمبارك عليها منه المال ومنه العيال وعليك سعيد .. وعليك سعيد ومبارك ولا اله الا الله < تغني للعروس ميرندا أبنتي حياك الله وبياك نورتي وشرفتي والعرس مافيه ما قلنا لك شرد العريس من جور الشروط وجلافة العروس اضن بنحول وندور حولكم عروس تليق بالشيخ وولد الشيخ تسلمي على المرور العطر تقبلي تحيات والدك |
اقتباس:
المشاركة الأصلية كتبت بواسطة عروبة وطن http://www.h-aljnoop.com/vb/mel-4/buttons/viewpost.gif ميرو صوتج مب لين وين الحين الطقاقات اتفقتو معاهن ولا باقي وحددوا لنا موعد العرس ، ابي اصمم فستان يليق بالمناسبة ماشاء الله عليك ابوي الواصل مبدع في سرد احداث القصة عروبة وطن يابنت الكرام ويابنت الواصل حياك الله وبارك الله فيك وفي عمرك وعملك غاليتي مافيه عرس ولا طق ول طقيق العروس هربت ولجأت للمناوره وطرح شروط مايقدر عليها الا ملك ولا سلطان من السلاطين الكبار انا ما قدرت احصيها فريحي بالك وريحي دماغك وتفرجي على زهرة وهي ترعى الحسلان وتطارد الدجاج تقبلي تحيات والدك الواصل ودمتي في خير |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas