منتديات هبوب الجنوب - قصيدة .. شرهه

قصيدة .. شرهه
للشاعر / حمد بن عبدالله البريدي المري

لحدن ٍ يحاكيني ترى الخاطر اقصاهـ
والدمع ..يا قلب العنا مايطيبكـ

حتى لو ابكي وش ورى دمعي و ماهـ ؟؟
ويلي على ادري ويش قلبي يبي بكـ

تطري علي والقلب ماجاه كفاهـ
غايب لكن غيبتك ما تغيبكـ

خذيت تلفوني القديم اتقراهـ
الين فاحت شاشته ريح طيبكـ

رقمك مسجاتك وصوتك و طرياكـ
كن الطيوف اقبال عيني اتجيبكـ

لابوك يالتلفون ماتسمع الأأأأهـ
في ذمتي انك صدق ضيعتني بكـ

متعومسْ الخاطر وياقلب ويلاهـ
ماقد ذبحني الا سكوتك و طيبكـ

ولا انت...!! يا لاهي ولا ادري ويش الهاهـ؟؟؟
طف ِ بوصالك مابقى من لهيبكـ

ياحبك لقطع المواصيل حباهـ
قطعت قلبي منك لا قطع صيبكـ

وسويت في الي سواتك ماسواهـ
واتحملك مهما جرى و ارتضي بكـ

ياذابحي ياصبر ذالقلب صبراهـ
ذبحته بكفك وهو ملتجي بكـ

اتروح..؟ روح و دربك الله يرعاهـ...
لو ابغى اجيبك اعرف وشلون اجيبكـ

در في ثرى الدنيا و مثلي ما تلقاهـ،،،
تبــــــــطي عظم ماشفت زولن يذيبكـ

حظ الهوا الي اتعيش به بس حظاهـ
لانه الوحيد الي قدر يختلي بكـ

ادرى عليك من الهوا و اتحاشاهـ
واورف بك و اهيم بك و اعتني بكـ

لانك سحاوي و السحى يكسر اجباهـ،،،،
وشلون ماتبغي الهوا يستحي بكـ

عيبي احبك لو غرامك معاناهـ
وانت الغياب الي بلا عذر عيبكـ

اضيك من جفواك و اجرها اااهـ
اخاف من غدر الزمان يغدي بكـ

لو انك تدري خاطري عقبك ايش جاهـ؟؟؟
يمكن تنوح الليل و اتطر جيبكـ..!

اشره على الحب الي عطيتك اياهـ
ملعون حظ ٍ حط ْحبي نصيبكـ،

هملتني بين الامل و المحاتاهـ
مدري عدوك صرت ولا حبيبكـ..؟؟؟!!!!
.................مدري عدوك صرت ولا حبيبكـ..؟؟؟!!!!

........................

مما راق لي