بادية الجنوب وثار ال مشيليخ و ابناء عجلان
 

...

...


أولاً العمل كوميدي .. وتنويه حديث هُنا وطرافة
المواقف من باب الأخاء لا أكثر ..
والأحداث مطروحة لسعة الخاطر والوناسة ..
يعني لا زعل لا ضيقة ...


بالله ..

ياريح ,,

ود لي خبر و/ علوم

عني تمثل

وحيي نمر بن عدوان

ذباح ل النوق

وقت الطلب ولزوم ومكرم الجار

والشعار والطيفان





قبيله العجلان
ما غيره ملك بادية الهبوب : الوافي الكنيه / فارس صياد الغزلان
..
العمر 66 سنه
العمل / شيخ القبيله

https://b.top4top.net/p_1193slyoj0.png


الزوجه / عروبة وطن/ عفراء

https://c.top4top.net/p_1193bvd6b1.jpeg

الابنه / النايفه / وضحى

https://e.top4top.net/p_11932kq6e3.jpeg
الابن / خالد الشوق / عجلان

https://d.top4top.net/p_1193fi0bh2.jpeg

الابن الثاني الغريب / الفيصل.


https://f.top4top.net/p_11931eqdi4.jpeg



......... احمد ربك يا خالد حطيتك قرب نمر هههههههه

هذي عائلتكم ..






عائلتنا


قبيله بن مشيليح

من اجمل نسائها هن من لهن مساهمه في قصتنا
الزوج / مفقود هج من طلبات الزوجه




الزوجه / ملكه الاحساس / الهنوف بنت مشيلح
https://b.top4top.net/p_1193dq0pb0.jpeg


الابنه / الصولجان : شقراء
https://c.top4top.net/p_1193y7v971.jpeg

الابنه / تهويدة مساء : برقا
https://d.top4top.net/p_11932zkkt2.jpeg




شيوخ الباديه
ابن الجبل / الفهد
https://e.top4top.net/p_1193ct8hn3.jpeg
سجى اخت ابن الجبل الفهد ..
https://d.top4top.net/p_119367nob0.jpeg
ذي اللي بيموت عجلان عشانها هههههههههههههههااي











تقول الهنوف :
قلبي على حب المجاهيم ميالي"
ونفسي على حبها محدن بلايمها"

البل لها في صميم الجوف منزالي"
من دونها عزوتي طارت عمايمها


شقراء / صح لسانك يمه وجعل الحزن اللي ترمقه
عينيك بعدوك

برقا / شقراء
شقراء / سمي ..
الهنوف قوموا يمه هاتوا لنا الماء وشفن لي حطب
الليل قوم العجلان جاين في طلب !

شقراء/ وش طلبه يمه ؟!
برقا / زين يمه تحزمي يا شقراء وسرينا
شقراء : اصبري بالاول نشوف وش السالفه يمه
الهنوف / خاطب لك ولد عجلان
شقراء / تصفق بيدها على صدرها لا لا يمه
وولد عمي فارس وحبنا !؟


الهنوف / تغز شقراء بعينها وتقول
قومي تالي فارس مثل ابوك رماني في الصحراء
وهج وخلاني خذي ولد العجلان
وعيشي شيختهم

شقراء / تصيح لا يمه حرام وضيم وصدري ضايق
بعد
برقا / شقراء استهدي بالله وتعالي الغدير يفك صدرك يا خيتي .. تهي تهي تبكي مع اختها

الهنوف / انا قلت كلمه واللي ترد بكلمتي لاهي بنتي ولا اعرفها ..

وخرجوا برقا وشقراء الغدير
وشقراء تبكي وتقول :

لاطرا طاريه سجّيت والناس يحكون
وتِهْت في ذكراه كن العيون اتخايله

ذاك لامنّه نظرلي بخدرات العيون
اظلمت دنياي والناس وقت القايله
.

برقا ترد / ايه ايه جعل السهوم اللي بصدر للعدو
والكايد ولد عجلان دواءه عندي

شقراء : تمسح دموعها بالبرقع ودي
اشوف الغالي واخبره عن حالي وادري انه
دموعه سيل مهدور

برقا : زين خلك هنيا وراده لك
شقراء وين ؟؟؟
برقا : اصبري يا مال العافيه انتي روحي والروح
من بعد دمعك منزوعه

.......

تتوقعون وين راحت ؟؟؟؟

نكمل في الجهه الثانيه :
فارس : اسمع يا عجلان
عجلان / سم يبه يا تاج راسي والغنى والحلال
فارس : يقولون ان امها مزيونه وعندهم من الخير
اللي يعيشك شيخهم
وانت مو بحاجه لـ حلالهم لكن نسبهم يشرف
ونبي نستولي على ارضهم .. فيما بعد !
وياشر بيده

عجلان : لكن يبه قلبي ميال
للي
فرحة عيوني شوفة عيونش السود
ومناي شــوفة خصرش إليا تمايل

ياخشــف ريمٍ ذيّره صــوت بـارود
مالش حلي منّــا الـى حـــد حايل.

فارس : خلي عنك الهرج بناخذ الغنيمه والغنائم
ومشيليح مختفي وما منه اثر وحلالهم واجد

تقاطع كلامهم : ام عجلان
ايه مرحبا الساع /
عجلان : هلا يمه هلابك يا راسي وهواي
عفراء : كود اني ابي اقولك .. مرتك ان قالها الله
لها دواء امها حاطه عينها عليك وهذا هي
فازت بك ..

عجلان يمه اصلا انا وا ابيها
عفراء : تقاطعه خلي عنك الريم وخلي عنك اخوها
خذ شقراء يقولون انها مزيونه

فارس / ايه مزيونه وامها مثلها
عفراء : وش قلت ؟؟
فارس : ولاشي خلك على العلم الاولي ..
وخلنا نغزيهم بعد ما ناخذ شقراء والفيصل
يتمم الهدف وناخذ برقا !


عجلان مكسور الخاطر :
ويردد

علمو ﮼عنق الغزال يخافْ ربه
كاسبن ذنبـي على كل إلتفاته

لايعرضني على ﮼العشق ومهبه
ويـتعذر بالبراءهـ في سواتـهٰ

عجلان : يكون خير .. يكون خير ..





نوقف / بعد العشاء الدفعه الثانيه .. هههههه
وسلامتكم ..

م ابي وضحى هههههههههههه
ابي شقرا ولا برقا

هههههه
اااهـ ي بطني


روعه روعه روعه رووووعه

بس خلو الحوار يمشي بشويش عشان مايصير
فيه تضارب ❌❌❌❌

اي دفعة ثانية الله يهداج

يختي الحلقة طويلة وااايد


بعدين عندي اعتراض
صورتي تخرع ... ( من الخوف قمت اطالع عمري بالمنظرة)


وبعدين بناتكم احلى من بناتنا ، هذا مب صحيح
اعترض وبشدة



حطي لي صورة زينة واهم شي يبين طقم الذهب

تمت الاضافة صولا مع ان المسلسل بأوله

هههههههههههه
شفتي ي عروبه
حاطه المزينات بقبيلتهم
وانتي وبنتك وضحى تخرعن ههههههههه
ومن زمن الطيبين ابيض واسود



المهم متى نبدا المسلسل
وكيف الطريقة

يعني نخترع سيناريو من روسنا ولا كيف؟

ترى مسلسل ابن عجلان هذا ماقد تابعته نهائي
اذا كان الحوار مقتبس منه

والله فكره يا بنات جبتوها ...
نخليها تمثلية ممتازه وكلن وشخصيته

هههههههه عروبه ونايفه ابوكم
وافي اقشر اشهب كيف تطلعون مزايين
هههههههههههههه الله يسعدكم
على التعليقات اللي تريح الخاطر ضحكت
لما قلت بس ...

ان حابين تكون تمثليه نكمل عادي
واذا تبون اكملها انا عادي بعد يسعدكم

هلا خالد المهم شفت نفسك مع النمر ههههه

اهم شي ابي طقم الذهب يبين

وابي صورتي ملونة

وابي عصير لو عندكم



صراحة ماقد تابعت هالمسلسل حدي رسوم متحركة وافلام اجنبية

اهااا توي افهم
قصدك انتي بس تجلسين تقدحين من راسك
صححح ؟
واحنا سكتم بكتم هههههههن

وضحيلنا اكثر ي قلبو صولا .

اللي يعجبكم تبون نكملها مع بعض يالبى والله

افتخر وربي ... واذا تبوني اكملها قلت لكم عادي

هههههههههه اسمعي يا عروبه وعد مني
القصه اللي بعد العيد احطك مزيونه

يمي فديت روحك ..

دام الفكرة في راسك افضل تكمليها انتي ي بعد قلبي
لانا راح نحوس الدنيا ويصير تضارب في الردود يخرب علينا عنصر التشويق

كملي ........ والله معك .

منتظرين دور ابن الجبل الفهد

وبعدين نعرف نرد عليك

تبارك الرحمن استمرى وها نحن ننتظر الابداع

يووووووه صولا تبيني اتريا لين العيد


من باجر بعسكر في صالون تجميل

هههههههه فديتك وفديت روحك
يا عروبه يا حلوك ... هههههههه

اقول سجى
صولا عندها توصية منك
اشوفها مغمغمتك ومكمكمتك على الاخر هههههه
مير حنا خلتنا مجلعطات والملامح الخرعه باينه هههههه
اي اهم شي الروح الرياضيه
الشكل يزول اصلا ههه

وربي اخترعت يوم قريت كم عطيتها
ههههههههههههههههههههههههههه

لا دخيلك يبه الا الحبس فاتن فيه
متربعه للعيد هههههههههههههه

يسعدكم يا الربع الله يسعدكم بقدر
ما ضحكت جد

..


هههههه
ماشاء الله عليكـ ياصولا
مبدعه بكل شيء
ميته ضحك على شكل عروبه والنايفه
بس ابوي ليه هج
شكل مامتنا الحلوه قشرا
والا سجى والبرقع الغريب
ههههههههه


متشوقه للحلقه الجديده
من جد انتِ تحفة فنية نادرة
ماننحرم منك


/

حلقه بكره باْذن الله تعرفين
ليه ههههههههههههههههههه

امين ولا انحرم من شوفتك
يا جمال روحي

حقيقة ذكرتيني ايام زماني اللي نسيتها مع كثرة مشاغل الحياة
كنت في ذيك الايام قناص ماهر , وفارس لا يشق له غبار هههههههه
الله يسعدك , ويسعد بنات قبيلتنا المزايين يلي قل نلاقي مثلهم

ها بس زين ذكرتكم بشي ههههنه
الله يسعدك على مرورك الف شكر اخي

الحلقه الثانيه
https://d.top4top.net/p_1194kihxa0.jpeg

عند الغدير ..
شقراء تبكي .. ومن خلفها صوت .. يقول

لو تروح بعيد من قلبي قريب
في غرامك هام قلبي واكتفى
في غيابك مشتعل مثل اللّهيب
ومن عرفتك شوق قلبي ما طفا

فزت شقراء : بِسْم الله من من عند الغدير ..؟!
الفهد : انا يا بنت العم احرسك من بعيد ليه دمعك
على الخد هل ؟؟

شقراء : والعبره موجوعه : مابه شي يا ولد عمي
نسمه هواء داعبه عيني وهلت

الفهد يقرب منها باستحياء : لله انه القلب موجوع
واعلم ما به ..

شقراء : بصدمه وش منه دمعي يا ولد عمي ؟؟؟
الفهد : واللي رفع سبع سموات ونزل مثلها ارض
ما يأخذك وانا حي .. عجلان المخفه وابوه هلاهكم
على يدي

شقراء : تقاطعه لا لا انا دخيلك لو لي محبه
ما تروح وانا بحاول بـاذن الله يا ولد عمي ما اكون
حليله له لكن انت لا تروح له ..

https://c.top4top.net/p_1194u53fq0.jpeg
تقاطعهم : برقا << مالت عليك كان صبرتي شوي ههههههههه هذا خارج النص ههههه

برقا / يا شقراء : تأخرنا يا خيه .. امي الحين تحاتي
شقراء : تهز اختها سمعتي وش يقول ؟ يا برقا
بيروح لعجلان يا ويل حالي !

برقا : استهدي بالله انا كلمته يشوف حل .. وانتي
اركدي ولد عمي رجال والواكد عارف ملعوب عجلان وابوه

شقراء : تهي تهي تهي لا لا قولي له لا يروح
الفهد / يالا سري قدامي انتي وأختك أوصلكم
وارتاحي يا شقراء

و ون ونه .. هاد مقطع شعري يقول :

إن نشدني عن غرامه في فؤادي وينه
قلت حبّك في فالضماير دايماً متواجد
ٰ
يبتسم . . . يا جعل عيني ما تفارق عينه
وايتنشّد ويش كثره،،قلت واجد واااااجد




https://a.top4top.net/p_11949733j0.jpeg
الهنوف / وينهن البنات علامهن تأخرن
الواكد أنهن تهن في البراري اويل حالي .. ليتني
ارسلت معهم واحد من الخدم ...

آدري ان شقراء بتقلب المواجع بالغدير والله يستر
من برقا راسها عالي وناشف لو تدري عن الفيصل
بتقلب الدنيا
ايه ايه يا مشيلح تركتني معهن وهجيت وراء بنت الآثار البريطانيه مالت عليها وش حصل هي وشعرها الأشهب كانه ليفة قهوتي
وقالت :

واتركو جرحي يكف الصوت والشوق يتكلم
'
والله إن مصعب من الفرقا عقب زود المحبه
غير دمع في عيون اللي يحب ولا .. يعلم


<<< الليفه يقصد فيها ( ما يوضع لسد الهيل
وتوابعه في دله الكيف ..

نكمل ..؟.
https://a.top4top.net/p_119456n880.jpeg



اليوم الثاني على الفرس :
ترقن ترقن ترقن ..

الفيصل / هههههههه هلا بالشيخ هلا بالمعرس
عجلان / يا مدور الهين ترا الكايد احلى
سمعت من ابوي ان برقا على اسمها ترعد وتبرق
الفيصل / على نفسها تحمد الله اخذتها لو منهن
ما تزوجوا بعد عار ابوهم وخرجته من الديار


https://d.top4top.net/p_1194k4a5g0.jpeg
تقاطعهم :
وضحى / سلام يا صقورنا
عجلان / وعليك وين الوالده والوالد
وضحى : سيروا على الحلال تلاقيهم على جيه
عجلان : زين انتي تعرفين شقراء .؟؟

وضحى / بغيره وعيون مشنقه ( يعني مرتفعه ).
ايه بالله اعرفها ثقيله دم وطين .. وشايفة حالها
وبرقا اعوذ بالله حتى اشكالهن تسد النفس ..؟؟

عجلان : مندهش من وصفها ؟ ويقول في نفسه
اه يا الريم ما شفت بحلاك احد اه يا ابوي الله يسامحك
كود اني باكر جايه لديارك يا الريم جاي ..

الفارس : السلام عليكم ..
عجلان يفز هو وضحى / يا مرحبا يبه سم اقلط

الفارس : اليوم العصر نمشي لقبيله مشيلخ
لجل نتمم الامور خير البر عاجله

عجلان : شورك وهدايه الله ..

https://c.top4top.net/p_11940qtr70.jpeg
عفراء : الحمد لله اني خلصت وزهبت كل شي
وانا وضحى مستعدات

فارس : يناظر عفراء داخله على حرب مستعده علامك يا مره ؟!

عجلان : ههههههههههه زين زين وهو مكسور خاطر
المهم وجاء العصر

وعدو العده للرحيل لمدينه مشيليخ
ومعهم المهر والحلال والعده واللي ماكان في الحسبان


امر ما كان في الحسبان ينتظرهم .. .!
وهم في الطريق مع قافلتهم وجاهم صادفوا
جيش متربع على اطراف حدود قبيله مشيليخ


ونبدا القصه ...
انتظرونا في الحلقه القادمة .. والاثاره متواجده ..

اجتمع الجمال والخيال هنا فكانت بانوراما جميلة

وها نحن منتظرين للجال الآتي

خصبة الخيال انت يا صولا ...........تبارك الرحمن

..



الابو هاج مع بريطانيه
هههههههه
لاتسمعك ملكه


..


من جد مثل المسلسلات اللي نتشوق
لحلقاتها
انتِ كاتبة بخيال خصب وجميل
السيناريو جميل والسقطات
الكوميديه عجيبه
انتِ عملة نادرة وثمينه
لاحرمنا


/

الله عليك صولا
بجد أبدعتي
خيال روووعه وجمال
متابعه لكم لاعدمتكم

يالهي من هالخيال الخصب ي صولا
تنفعين كاتبة افلام ومسلسلات / ربي يحرسك

ونا يحق لي اغار من المزيونه شقرا ههههه
علامك يمه ذي هبلت بعقل اخوي عجلان وافقدته صوابه .
الوكاد انها لوشافت خشته بتهرب حفيانه وسط القفار ههههههه


واصلي ي نظر عيني
على ارائك الشوق منتظرين .

وننتظر الحلقة3

(:
/

-


الله الله
انسجمت مع القصه
اجمل شيء اذا بوه عشق وغرام هههههه

ب الانتظار للحلقه ٣

باذن الله


بس اخلص الحلى .. ودله القهوه
واسدحها لكم هههههههههه

شو صار مع الفهد في القصة

في الانتظار

ابشر ابشر يا الفهد
جاي القصه بس اصلي
اذان هلا بالسعوديه يحفظك

...

الحلقه الثالثه ..

https://e.top4top.net/p_1196hgwf30.jpeg
مع مرور الوقت والساعات
عجلان / من ولده ومن اللي يعترض ديار نا

الفهد / غضبان من سمع كلمه ديار رد وقال :

لله ما انت من اهلها ... ولا هي حلالك
عجلان / ان كنت قطاع طريق .. معنا الحريم
والحريم ان تواجدن ماهو بوقت علم الرجال ..


الفهد : عود يا عجلان لديارك انت وهلك سالمين
وان بواجهك بواجهك وحدك فارس لفارس

زاد غضب عجلان : ومشى بفرسه وتل السيف ..

كانت مواجهه فجاءه : غدر

ضرب الفهد / بكتفه بالسيف .. وسال دمه

https://f.top4top.net/p_1196ox9av0.jpeg
الفارس : يردد ملامحه مو غريبه ..؟؟
وين شفته ذا الفهد لله انه فارس ولد فارس ..!


عجلان : متجهه صوب الفهد :
لكن الفهد : صد بسيفه طير سيف عجلان ..
بشجاعة رغم اصابته

فارس ابو عجلان : نزل من فرسه ونزل الفيصل معه
وعجلان والفهد بينهم القدح بالعين نيران ...


فارس / من ولده ..؟؟ يا النشمي
الفهد : للمره الثانيه خذ اهلك وعود لعشيرتك
حنا عرب من يدوس ارضنا ما نمسه وهذي عوايدنا

الفارس : انرسم على وجه الانس وامر اولاده بالعوده
وفجاءه ...؟!؟


https://a.top4top.net/p_119639fwa0.jpeg
الهنوف حيالله من جاء لديارنا ..
ان اشهد ان اليوم يوم خير .. ترفع صوتها تغيض
الفهد

الفهد : يا عمه الهنوف
تقاطعه الهنوف / اسكت مال العرب لزوم
لو وقفوا بوجه الضيف ...

عفراء : تقز بعيونها الهنوف .. كانت جميله
وعلى فرسها خياله ..
https://b.top4top.net/p_1196i77j11.jpeg


في الخيمه / شقراء حست بشعور غريب
برقا احس برعشه غريبه بطرافي
في امراً كايد حاصل

برقا : علامك مابه شي .. بنشوف امي خذت الفرس
ورحلت .. ولا ندري وش السالفه ؟!

عجلان : على وجه ضحك بالخبث ..والنظرات بينه وبين الفهد كادحه ..

اكملوا المسير .. وجيش الفهد تنحى بامر الهنوف ..
مرت مشيلح وكانه ما كان بالموقع ..

...

انغاض الفهد : ومن خلف عجلان كانت القصه
بسيفه الفهد ضرب عجلان وهو يردد ..

ماني من اللي يغدر لكن ديار وليفي ...
ماحد يدنسها اطلع انت وهلك .. الاصابه طبعا. كانت شايده .... ودب الصراخ والعويل

وحرس عجلان مع قلبيه مشيلخ قامت قيامتهم
الهنوف : تصرخ سود الله وجهك يا الفهد
سود الله وجهك يا الفهد قامت قيامتنا قامت قيامتنا

الفيصل والفهد دب بينهم الخلاف المستمر ..
وعجلان طريح الارض ...

الفهد ثاره : واضح وكان يعلم ان اخته تبي عجلان

ويردد البيت
عذبني في الهوى يا زين وتعذيب الاحباب راضي به
مجروح انا في الحشا جرحين والثالث انت مسابيبه

يوم ذكر البيت
عجلان كانت عينه على الفهد شاخصه
ولسانه معقود .. عرف وقتها ان اللي قدامه
يكون من طرف الريم ...

الخيمه :

شقراء : برقا تلي فرسك الوكاد انه مصيبه صايره
برقا : ترقى خيلها وتركض وراء شقراء لميدان الحرب



هههههههه كاني تحمست ! واجد وش ما صارت
خطوبه عوذه
انتظروني في الحلقه الرابعه هههههههه

ها نحن من المنتظرين تنشوف شو اخرتها مع خيال صولا وروائعها

وبعدها نرد

يعطيك العافية صولا رائع سردك

لانامت اعين الجبناء
مانيب وضحى بنت فارس صياد الغزلان
ان مااخذت بثار اخوي عجلان ههههه

شوقتينا واااصلي صولا

ابغى الحلقه الاخيرة بسرعه .

هههههههههههههههههههههههههه

اه يا نايفه مت ضحك وربي
ابشري بعجل بالنهايه ههههههههههه

وتذبحين شقراء يا ويل حالي هههههههه

فديتك

ماشاء الله صولا


بديت اشك انج صاحبة المسلسل وكل السناريو انتي اللي كاتبته


خطيرة بابنت
ونصيحة مني بيعي الحلقات هذي لشركة انتاج وبتكسبين وايد منها

-


صنتان ماله عينه بالموضوع ههههههه

ب انتظار باقي الدراما الصولجانيه

انت ي انا ) *
ماتنفع في مضارب البادية
يبيلها عنون مفتحات مفنجلات ، تعرف عاد قطاع طرق وسطو

مير انت مغمض عوينتك ي مال الخير
فتحها وقوم شوف شغلك
وان كان بك عمش وديناك الدكتور يكتب لك قطرة ومرهم ههههههه



نشوف الحلقة الرابعة والاخيرة
عسى يكون لوضحى دور كبير في قتل شقراء المزيونة هههههه