يالواقع اللي تلكاْ الجرح بالنار
تمسي لي العله وتصبح ذنوبي
طولت وكنت احسبك جيت مسيار
وسكنت لي مابين ضلعي وثوبي
ودقيت في ساق الصبا عدة اسمار
وخليتني من داخل حشايا معطوبي
ما قول دمع انسكب مثل الامطار
اقول يا وقات المعاناة توبي

انا الغني , في يومي وجيوبي خزاين ممتليات هموم
وحقول صدري الخضراء سنابل يسقيها جفني الماطر
صرت سادر وشحذت لضلعي المنجل وكيف ابيدر المكتوم
وكيف الملم الآهات وفي يديني نزف من شظايا كسرت الخاطر

انا وحدي من حدة شجوني سال بي وادي
سحت بغير ما ادري ونبت في وجهي المنفى
نبت غابات في صدري حفيف اغصانها ينادي
عطش يا غيم متعدي يقول ان العمر اقفى
رحلت اجرجر احزاني قوافل في حلق حادي
يغنيها على البيداء هزيم والعظيم اخفى

قبل لا ترتب رحيلك
مر بي
عندي ضبائر للدروب
تقرب لك آخر مدى
اعطيك من عيوني مواسم
من بيادر هالعبائر
اعطيك يخت ومجاديف ٍ للنجاة
واعطيك بحر
تحتاجه صدور القوارب
مر بي
من قبل لا تضج المراكب
اعطيك
من خفيف الوزن لا تشتكي من الركائب
مر بي
وخذ من كل عين دمعة
هن دمعتين
مر بي

تعال

ومر لك جوله

على صدري

تشوف اشياء مجهوله

تشوف من الاوجاع الوان

مثل قوس المطر مثل ما تبكي الغيمه اذا مرت على قفر وخالي ا نزوله

على وجه البلاد الساكنه فيني

تعال وخذ بنا جوله

تشوف اشياء ماهوله

وتشوف به بساتين الورود وكيف مقتوله

وتشوف غابه من بكى

وتشوف اجفان مشلوه

اذا سدت مساربها تصير افياض تتفجر

واذا هد الزمن سده

محيط من السما حدر

ولا حد يدري بالطوفات

سوى وجهي

والايدين مبلوله

تعال وخذني بجوله على صدري

تعال نزل احموله

جيت تذكرتي وانزويت
واشعلت في ظلعي جمر
من عقب ما بصدري دفيت
وربيتك في عيوني قمر
انا الحبيتك ماهويت
وعبرتي مثل الجسر
مريت بي كن مادريت
وكانت طعنتك المختصر
كنت اتمنا لو نسيت
وشلون انسى هالعمر
يانزف قلي ما اكتفيت
ياكن دمي من خمر
كتابي قريته وانطويت
تعال واحرق هالسطر
دامك على الفرقى نويت
لا عاد تذكر هالخبر

على رصيف الحنين مديت لك ظلي
تعال , سيّر , هذا الآنين مرسالي
ما اريد غيرك وعن كل الناس متخلي
وعن غير قلبك فلا طاب منزالي
ان قلت يا خلي ترى ناديت يا كلي
اشكي لك الوجد وانت الشقا الحالي
تعال , يامترف , مع الغيم انزل لي
في بلادك الضميا اسق الروح يا غالي

جفاني بليل , ياغايب متى يشرق علينا النور

ابطينا نسري الظلماء وابطى النور متواري

اذا ما اسفر على عيني تلبسني عتمة الديجور

يوزعني شتات رمال ويذرى اسراري الذاري

جفاني بليل , وبدى يبني الغياب السور

وبدت تاكلني الغيره , تقلبني على ناري

كيف ينام من تصلاه , وكيف يرقد المقهور

واذا لبس كفن حزنه وفي عينه حزنه العاري

بين للامل والياس تهاويت كلي
مديت حبل وتقصر حبال الايام
نويت ابوح اسرار قلبي لظلي
لكن يلوذ مثل اعياد الايتام
قلبي حجر همي وانا قلت خلي
خل الهموم مبدده مثل الاغتام
انسليت منهن وهن العبن بي تسلي
وانا نسغ دمي من ضيقها زام
ضجيت ولا يبرحن تناوبن تلي

ولا الحبل مقطوع ولا السعد حام