منتديات هبوب الجنوب - مَجبور اَصدق كلامك لوُ بعينك كذب

البارحه مات صوت وكان صمتي عتب
كل الكلام : ب/ عيوني ماحكيته سنين

عذب الكلام يتساقط فوق خدي رطب
من كثر ماطاح يا كبر الحزن في اليدين

كرهتني بالهوى من بعد ماكنت احب
من قسوة البعد كان القرب يحتاج لين

مجبور اصدق كلامك لو بعينك كذب
ما عاش لي شك حتى مات فيني يقين

براحتك : غبت ! لكن انتظرتك غصب
تهزني ذكرياتك والتعب في الحنين

عشان راحتك انا راضي بهذا التعب
عشان فرحتك قلبي ينكسر لك حزين

ذخرت لك صدري وصدري وطنك الرحب
واهديت لك عمري وصار العمر مرتين

قهويتني من جروحك طول عمرك تصب
تمد يسراك .. لي وتصب لي ... باليمين

اجيك لـ/ اسباب وانت تروح و بلا سبب
انا : واحاسيسي الحيه معك ... ميتين

اعزف على جرحك وتنزف دموعي طرب
اودع .. ( الراحلين ) وارثي ( الغايبين )

ما كنت قد الهوى وماكنت تعرف تحب
وشلون ؟ بنساك وانت تمرني .. كل حين

ان رحت فـ/ انت فـ امان الله طاح العتب
وانا معي ذكرياتك في .. امان الحنين

وشلون بنساك ؟ واتناساك ؟ والله كتب
احباب لكن طوال العمر متوادعين

* لِ المميز ؛ عباَدي الزهراَني .