|
...
https://1.top4top.net/p_1275g2tys1.jpeg الـ كنانه ما يليق فيهم الا ( معرفات خصصت) لرفعتهم .. وشأنهم وتبقى الواصل والواصل والواصل .. مساء الخير .. يا الواصل ... |
هلا ومرحبا بالكنانيه
اهلا ومرحباً بالصولجان شفتي كيف نحن بني كنانه والله ارحم بنا من غيره المهم لاتتركين والدك الكناني من علومك الطيبه وقهوتك المحوجه ربي يحفظك ويبقيك ياصولا |
...
مساء الخير .. يا أبوي عندي علوم كثيره بس انتظر اخلص أموري الخميس والجمعة والسبت ضغط .. ضغط علي كثير ... ويسعدك ويسعد كنانه ويسعد العرس اللي رحته من يومين لو دريت كان حضرت يا الطيب لنا شد ومد السبت بتكون سهره معاكم غير شكل يا الـ هبوب .. واليوم بحاول ادخل فترات جعلني فداكم .. ويسعد روحك ...بعدين افهمك كل شي بهدوء .. . . |
القحم يرحب من القلب
وحياك الله من ممشاك لملقاك تشرفي وتنوري المركاز يابنت ابوك ربي يحفظك ويبارك في عمرك وعملك ادري ان عندك الكثير من العلوم وفي انتضارها على مضض ولكن ترقباً لجيتك خذي هذه القصه القصيره من حياة والدك زمان الثور شرد ومن يمسك الثور كنا في دياس وان كان ماتعرفين الدياس انشدي زهرة ايلول الخورمه مروه كبيره تربط بالعصم ولا مرسه وتجرها ثورين فوق العصد في الجرين والجرين مساحه مربعه تكون من الصفيان ولا مصليه بصلي اللي يعرف يترجم لايتردد طبعاً العصد هي عصد الحنطه والشعير والمشعوره انتهى الدياس وفكينا الثيران واحد اسمه صبيح والثاني اسمه حبيش المهم انطلق حبيش ومانشوف الا غباره نافرن قال الوالد الله يرحمه الثور ياعيد الثور الحقه ولا تجي من غيره ابشر بالعرقه تلين جنوبك والعرقه يمكن ماتعرفونها هي عصا قصيره موصل بها قطعتين من جلد حاره كأنها مشربه بفلفل حار المهم انطلقت ورى حبيش هو ينوح يقول (امااااح امااااح) وانا وراه تعال تعال خفسوبك ياحبيش توقعته يريد الماء وبيرد على الكضامه ولكنه عبيط وبعد جهد ومعاناه الله اعلم بها توقف حبيش ولحقته وحككته شوي نوع من المداعبه حتى لطف بحالي وكانه يعرف العرقه حاولت من التعب اركب فوق ظهره لكنه رفض وبشده المهم الله عفاني من العرقه والحمد لله هذي من مغامراتي مع الثيران والقصه عمرها 58 سنه تقريباً هيا انبسطي يالحولا وتعالي ياراعية الحوكه تحياتي |
شرفني مروري هنا
ابدعت |
يايبه الواصل مساك الله بالخير ..
والله بعض الكلمات طلاسم بالنسبة لي بس اسلك واسوي نفسي فاهمة الله يعينني عليك تراني مش كنانية يمكن من بنات العمومة ومابيني وبينكم الا مسافة بسيطة لكن كلنا عيال عم واخوة ربي مايحرمنا من هالحكاوي حقت الاباء والاجداد كان اذا صعب علي شي سألت امي حبيبتي والحين مين اسأل !؟ اسأل الله العلي العظيم ان يشفيها ويكشف ضرها ويجمع لها مابين الاجر والعافية .. اللهم آمين .. الهرجة الي فوق مافهمت منها غير الثور اما ملحقاته مع الاسف لا افقه فيها شي ،، جيب مغزولتي صولا تفهمني فالكم السعد ياقبيلة كنانة ي اطيب واجمل واروع من خلق ربي ابوي الواصل سم بالرحمن وكبك من المناذير .. |
اقتباس:
واثري بعد تعرف تصارع الثيران انت مكانك مو في المندق مكانك في اسبانيا لازم لك رحله في مهرجان الثيران أثرك منت هين يا يأبه وكيف ما اعرف الدياس أني دوبي خلصت الدياس عندي أبشرك وبحط راسي والله يأبه تعبانه من الكرف هههههه محشوم من العرقه .. والله يرحم جدي ويغفر له ما معنى الا الغزله نهبد كان الوضع صح ولا غلط هههههههههه يا نفدا رأسك وبيض الله وجهك بنور التقى والصلاح يأبه وجمعنا الله بالجنه ايوا بكره عندي مرواح جهه الحموله بغدي اخمد وراي صواني وترامس أعجبك هههه استودعتك الله أيلول انا افهم رغم أني تربيه الغربيه بس افهم هروج القحم جعلنا ما نفقده ودعتكم الله |
مساحة قلم
مليون هلا ورحب حياك الله ياكريم انا الذي تشرفت بحضورك ومثلك وشرواك مكسب لمن يراهم او يتعرف عليهم شرفتني الله يحفظك محبك الواصل |
والأن مع صاحبة الحوكه
ارحبي تراحيب المطر أعلم والله انك كريمه وأنك من ربعنا حتى وان كان المعاش فرقنا الله يحفظك ويشفي أمك شفاء ليس بعده سقم وان يرزقها برك بها اما هروجنا وصحبتي مع الثور حبيش فابشري اللي يصعب عليك تريه يهون علي جدولي كل الكلمات التي اعجزتك وابشري بترجمه من القحم ترسخ في مخك حتى اعطيك قصتي مع الحمار هههه ربي يحفظك المغزوله حضريه مولوده في الغربيه ومتربيه فيها ويمكن تعرف بعض الخرابيط ولكن العرقه موجوده وياويلها تقبلي تحيات والدك عيد الكناني |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas