http://www.9ory.com/uploads/1507094907281.png
هذا بحتسيلكم سالفه طبعا انا عندي اخو اسمه
عزوز ياربي سماجه اخر حاجه يربي قسم يعيف بسماجه
يجيب لي الصمرقع بسماجته وسخافته ابي افهم طالع على منو مدري
عاد هو دوم يبتسيني يقهرني
المهم بقولكم سالفه صارت معه طبعا نقطه بحر عند عمايله فيني
هذا لى عصر كنت طفشانه وابوي طالع بشغله
واخواني الكبار بالاستراحه كالعاده المهم طفش طفش جد
والا هو عندي جالس ب الصاله وراز خشته هو وجهه الى كانه صامولي :762:
قلت عزوز هم جالي معك السياره قال اي ويبغز بجواله مايناظرني قلت
عزوز وانا انط الا انا قباله عزوز ياحياتي طلبتك ياعومري ياقلبي ياكل طوايفي :5a:
: لزوم البغشيشش بسويلك صينيت حلى بسويليك اي شي وقسم قبل
لاتجيي من الاستراحه بتلقى مكيف غرفتك مشغلته مو لازم ترسلي واتس وتقول شغليه بجي
قال الزبده اختصري الهرج وش تبين قلت امانه تعال نفرفر بسياره شوي طلبتك تكفى تكفى
قال اليه طيب بشرط تسوين كل الى قلتي عليه قلت تم قدام
قال اسمعي ي شوق قسم بربي بطلع ذا الحين خمس ثواني اذا ماجيتي بشغل
سيارتي وبمشي قلت طير هع واجي ركضض مع الدرج بامكانكم تتخيلون شكلي من قوة السرعه
رجولي تخبط براسي وركض البس عبايتي وتجي مطوفحه مع الدرج
وامي
تصارخ لاتطيحين يابننت تتكسرين نبتلش فيتس
انا هم مجالي اعرف عزوز قسم قول وفعل يشغل ويدعسس ولا يهمه مشاعري
وفزتي ب الطلعه المهم يوم طلعت للحوش الا هو لابس جزمته واقف عند باب الداخلي من الحوش
ويتبوسم قال لبستي قلت تم قال تعالي وحط يده بيدي ونمشي ونمشي يوم وصلنا للباب الشارع دار ورجع طبعا كل ذا بالحوش مابعد طلنا متامسكين يديننا ونمشي نتمشى وانا عنوني على الباب بس اتحراها يقول يله اركبي ::
ويوم دار فيني ب الحوشش ثلاث دورات ويسولف وتسذا وانا بس مبققه عنوني
اناظر فيه وصلني للباب وقال يله قلت وين يله قال خلاص تمشيت فيتس ب الحوش
واستنشقتي هواء نظيف ويله افسخي عبايتسس وتوكلي قلت خيرررررر
وربي لااذبحك ماني ماني واجلس اصرخ انقهرت وامي فضحتونا عند الجيران
وش بلاكم واللحقه واتحذفه ب الجزم قهرني هالتسلب
:هههه وش رايكم حلوات سوالفي اذا زينه
كل يوم بقولكم سالفه هع خخخخ
يله بطلع انام اشوفك عاى خير
وسعت صديراتكم لبى